Tertib Acara Ibadah Paskah (Bahasa Batak Toba)

 

TERTIBACARA PESTA PASKAH I

DI GEREJA PROTESTAN PERSEKUTUAN (GPP)

RESORT TAPANULI UTARA I

MINGGU, 27 MARET 2016

Thema Paskah I: “Jahowa do Haluaonku, jala Ibana Hatuaonku”

----------------------------------- SAAT TEDUH -----------------------------------

(Mangkuling Giringgiring, martangiang di bagasan rohana be)

1.         Pangaradeon     (U= Uluan, H= Huria)

U    :  Hamu angka dongan sahaporseaon di bagasan Tuhan Jesus Kristus, sadarion marlas ni roha do hita ala nunga ditaluhon Jesus Kristus huaso ni hamatean i. Nunga hehe Kristus. Selamat Paskah ma di hamu saluhutna.

H   :  Tutu, nunga hehe Kristus, Selamat Paskah ma nang di hita saluhutna.

U    :  Di bagasan las ni roha, tapangiar ma soaranta mangendehon naung hehe Jesus sian hamatean mangungkap dalan di angka na porsea tu hangoluan salelenglelengna, marende ma hita sian BE. No. 96: 1-3      “Nunga Talu Hamatean”                                                  

v Nunga talu hamatean, dibaen Tuhan Jesus i. Ai na hehe do Ibana songon na nidok-Na i. Haleluya, haleluya nunga hehe Jesus i. Haleluya, haleluya, nunga hehe Jesus i.

v Ia angka boruboru lao do tu tanoman i, ndang disi be Tuhan Jesus nunga hehe sian i. Haleluya, d.u.

               ------------------- Organ --------------------                                                                       (jongjong)

v Marlasroha be ma hita, ala hehe Jesus i, ai malua sude hita sian hamagoan i. Haleluya, d.u.

2.       Votum/Introitus        

U   :     Marhitehite Goar ni Debata Ama, dohot Goar ni Anak-Na Tuhan Jesus Kristus, dohot Goar ni Tondi Parbadia, natumompa langit dohot tano on. Amen.

            Ai nunga tarida asi ni roha ni Debata, sibahen haluaon ni saluhut jolma. Dipatimbul rohangku do Tuhan i. Mariaia do tondingku mida Debata, sipalua ahu. Na badia do Goar-Na i. Ai marsundutsundut do asi ni roha-Na mida angka na manghabiari Ibana.

H   :     Hagogoon do diula tangan-Na i, diparserakhon do angka na ginjang marroha.

U   :     Angka na gogo i dipaijur do sian habangsanasida, dipabangkit do angka na metmet. Na denggan di pasuksuk Ibana tu angka na male, jala angka na lobian hian rumar do dipalaho.

H   :     Sai hubaritahon ma angka asi ni roha-Na di manogot i, dohot hasitongan-Na di bornginna i.

U   :     Didok Tuhannta Jesus: Haporsuhon do jambarmuna di portibi on, alai pos ma rohamuna, nunga talu Hubaen portibi on. Haleluya …

H   :     (Mangendehon) Haleluya, haleluya, haleluya

U   :     Antong martangiang ma hita:  (Agenda GPP 25/1)

            Amen. 

                                                                                                                                                             (hundul)

3.     Marende BE No. 89:1,2              “Ate Didia Soropmi”                                                           BL. 130

v Ate didia soropmi nuaeng o hamatean? Didia hamonanganmi nuaeng banua toru? Na talu do hamu sude, na talu do si bolis pe. Ai ditaluhon Jesus.

v Nang pe manggogo ulok i Mangalo ulubalang. Laos talu do tongamna i Dibaen na somal monang. Tambihul ni diturbing pe. Laos so tarbaensa monang be, Tarlisat do uluna.

4.       Singkat Ni Patik: Heber 4:16

Antong, marhiras ni roha ma hita mandapothon habangsa parasiasian, asa tajalo talup ni roha, jala asa dapot asi ni roha hita bahen pangurupion, di tingki halehetanna.

5.       Marende BE No. 91:3-4             “Hatuaon Do”                                                                       BL. 55

v Hatuaon do, Las ni roha do Hangongot ni Tuhanta i. Mungkap do dalan Tu hangoluan, Las be, las be ma rohanta i. Mungkap do dalan Tu hangoluan, Las be, las be ma rohanta i.                  (jongjong)

v Hatuaon do las ni roha do hangongot ni Tuhanta i. Ima gogonta Dompak dosanta Las be, las be ma rohanta i.

6.       PANOPOTION NI DOSA

U   :   Hamu angka dongan na hinaholongan ni Tuhan Jesus Kristus. Sian bortian ni dainang nunga mardosa hita jala sahat tu nuaeng pe jotjot do taarsahi Debata marhite hata, pambahenan dohot pingkiranta na maralo tu lomo ni roha ni Debata. Alanii, tapaunduk ma rohanta marsinggang tu adopan ni Debata laho manopoti dosanta na godang i.

H   :   Ale Tuhan. DihiriM Ho do sian hami asa manghaholongi dongannami doshon dirinami. Hape, ndang huhaholongi hami dongannami doshon dirinami, baliksa tahe jotjot do hubahen hami sogo ni roha ni dongannami marhite hata dohot pambahenannami.

U   :   Molo dijujur Ho do angka dosa nang angka pangalaosionnami i, tontu ndang tagamon so hona uhumanMu hami. Molo ala ni i do Tuhan, tung na so jadi hami jongjong nuaeng dison. Ale Tuhan Jahowa, di na hubolus hami ariari ni ngolunami di portibion, huadopi hami angka hamaolon dohot parungkilon. Jotjot do hami ndang marhaposan tu Ho, holan gogo dohot pingkirannami do na hupangasahon hami. Gabe jotjot ma hami madabu tu pandelean, ngolu na bobonosan, ngolu na tahutan ala so Ho hubahen hami haporusan dohot partanobatoan ni ngolunami.

H   :   Alani i ale Tuhan, asi ma RohaM di hami.

U   :   Rimas, marsisonggahan, panginsakhion, hosom ni roha, elat, teal, dohot late ni roha, halosohon, manghatahata dongan dohot angka lan na asing i, sai na jojot do gabe angka i natarida marhite angka ngolunami be di parsaorannami nang di tonga ni keluarga, di parkarejoannami, di Masyarakat, nang di tonga-tonga ni huria i sandiri pe. Hape targoar ma hami angka sisean-Mu.

H   :   Ale  Jahowa, unang ahu pinsang di bagasan rimasMu, jala unang ajari ahu diparpiarpiar ni muruk-Mu.

U   :   Antong, martangiang ma hita dibagasan rohanta be lao manopoti saluhut angka pangalaosionta:

------------------- Holan Organ BE No. 212:1 ----------------------

U   :   Tabegema bagabaga ni Debata taringot tu hasesaan ni dosanta: (Agenda GPP 59/7)

H   :   A m e n.                                                                                                                                           (hundul)

7.       Koor/Vocal Group: R/NGPP

8.       Marende BE No. 93: 1,3             “Pesta Paska, Hatuaon”                                                      BL. 94

v Pesta Paska hatuaon, pesta Paska haluaon sian hamatean i, sian hamatean i. Tuhan Jesus do pasuang hangoluan hasonangan tu saluhut jolma i.

v Tuhan Jesus do na monang, Tuhan Jesus do pasuang las ni roha dame pe, las ni roha dame pe. Dongan, golom ma hata-Na, na porsea di Ibana, ndang tarbahen mago be.

9.       E P I S T E L : Lukas 21:1-12

U  :  Dung i mamereng ma Ibana, gabe diida ma angka na mora na mandabuhon silehonlehonna tu bagasan poti parasian.

H  :  Alai diida ma boruboru na mabalu sada, na pogos, na mandabuhon dua rimis.

U  :  Gabe didok Ibana ma: Situtu do hatangkon tu hamu: Gumodang do na nidabuhon ni na mabalu na pogos an sian saluhutna i.

H  :  Ai sasude nasida sian lobilobinasida be do didabuhon; alai ia parompuan an, sian pogosna i do didabuhon sasude na pineopna i.

U  :  Dung i ditaringoti na deba ma joro i, naung dipajagar dohot batu angka na uli dohot silua ni halak, jala ninna Ibana ma:

H  :  Diida hamu pe i sude, na ro ma angka arina, ndang tinggal disi dua batu martinditindi na so gargaronna.

U  :  Jadi disungkun nasida ma Ibana, ninna ma: Andigan ma masa i, Guru; jala dia ma tandana, paboa laho songgop ma i?

H  :  Alai ninna Ibana ma: Jaga ma hamu, so tung lilu hamu! Ai lan do na ro sogot manoluk Goarhu, angka na mandok: Ahu do! Nunga dapot tingkina i! Unang ma ihuthon hamu nasida!

U  :  Alai molo dibege hamu barita ni angka hamusuon dohot hagunturon, unang ma hamu tarsonggot; ai ndang tarbahen so songgop i jumolo. Alai ndang dope manigor dapot ajalna i.

H  :  Laos didok ma tu nasida: Na hehe do sogot bangso maralohon bangso, harajaon maralohon harajaon.

U  :  Masa ma lalo angka na bolon, angka sahit bala marluatluat nang haleon, tarida ma angka panonggoti ro di tanda na balga sian langit.

H  :  Alai tagan so masa dope angka i, tangkupon jala leleannasida do hamu; pasahatonna do hamu tu angka parguruan dohot hurungan, gabe togihononna hamu tu jolo ni raja dohot panguhum humongkop Goarhu.

10.   Koor Punguan Ina

11.   Marende BE No. 183:1-2           “Na Jumpang Au”                                                BL. 105

v Na jumpang na asi roha, Di au naung mago i hian. Tuhan Jesus parasi roha Di au na lilu na hinan. Nuaeng hutanda Tuhanki, Parasi roha bolon i . Parasi roha bolon i.                                  (jongjong)

v Dibahen godang ni dosangku, Tung hona uhum au tama. Hape ro Jesus dipadomu, Au muse dohot Debata. MudarNa na badia i, Pajongjong pardomuan i, pajongjong pardomuan i.

12.   Manghatindanghon Haporseaon

13.   Koor Punguan Ama

14.   Tingting Huria/Warta Jemaat

15.   Tangiang Pangondianon

16.   Ayat Pelean: 1 Kronika 16:34

Mandok mauliate ma hamu di Jahowa, ai na basa do Ibana, ai ro di saleleng ni lelengna do asi ni roha-Na i.

17.   Marende Be No. 92:5-6             “Puji Ma Na Manaluhon”   (Pelean I & II)       BL. 178

v Tu tanoman si Maria Paturehon bangkeMi. Tung beha ma di rohana Dung dibege hataMi ? Dohot mangalusi i? Au pe idaonku sogot, Ho di hasangaponMi Ho, o Jesus, Tuhanki.

v Molo hehe pamatangku Molo pinasangap au. Idaonku Debatangku Jesus Sipangolu au. Suman tu Ibana au Molo hehe pamatangku. Jadi ngolungolumi Gabe hangoluanki.

-------- Organ -------

v I do las ni rohanami, Lao mamujimuji Ho. Ndang be sitoruan hami Ala na dung mate Ho, Dungkon ni mangolu Ho. Nunga ringan tondinami. Sian hangoluanmi Ala hamonanganmi.

v Uju i di na manogot, Di na buha siang i. Mijur do surusuruan, Laho tu tanoman-Mi. Dung diungkap batu i Dipahundul ma ibana, Paboahon di na ro Ndang be dibagasan Ho.

18.     J A M I T A: Psalmen 118:1-2, 14-28

¹Mandok mauliate ma hamu tu Jahowa, ai pardengganbasa do Ibana, ai ro di salelenglelengna do asi ni rohana!

²Dohonon ni Israel ma tongon: Ai ro di salelenglelengna do asi ni rohana!

¹⁴Jahowa do pargogongku dohot endengku, jadi gabe hatuaonku ibana.

¹⁵Soara ni olopolop dohot hatuaon marsaringar di undungundung ni angka partigor: Siamun ni Jahowa do sibahen hamonangan.

¹⁶Timbul situtu do siamun ni Jahowa, siamun ni Jahowa do sibahen hamonangan.

¹⁷Ndang tagamon mate ahu, sai na mangolu do ahu, asa hupajojor angka pambahen ni Jahowa.

¹⁸Nunga gogo tutu dipinsang Jahowa ahu, alai nda tung tu hamatean ahu dipasahat.

¹⁹Ungkap hamu ma di ahu angka bahal ni hatigoran, asa hubongoti angka i laho mamuji Jahowa.

²⁰On do bahal ni Jahowa, bongotan ni angka partigor do i sogot.

²¹Mandok mauliate ma ahu di Ho, ala naung dialusi Ho ahu, jala manjadi hatuaonku.

²²Batu naung binolongkon ni angka pande bagas, i ma jadi batu parsuhi.

²³Sian Jahowa do i masa, halongangan do i anggo di matanta.

²⁴Ari on do na jinadihon ni Jahowa, marolopolop jala marlas ni roha ma hita disi.

²⁵Iale Jahowa, sai manumpak ma Ho! Iale Jahowa sai Ho ma mambahen manjadi!

²⁶Pinasupasu ma na ro marhitehite goar ni Jahowa, hupasupasu hami ma hamu, angka na sian bagas ni Jahowa.

²⁷Jahowa do Debata, jala Ibana manondangi hita. Tambathon hamu ma angka pelean pesta i sahat ro di angka tanduk ni langgatan.

²⁸Ho do Debatangku, jadi Ho do pujionku; ale Debatangku, sai Ho do patimbulonku.

19.     Marende BE No. 94:1---            “Ale Tondingku, Naung Hehe”          (Pelean III, tu jolo)              BL. 44

v Talu si bolis dibahen Tuhannta, nang hamatean nang dosa sudena. Sai dihalashon rohanta ma i. Pangoluon-Na do hita muse, Pangoluon-Na do hita muse.

v Tahaburjuhon mangalo dosanta, jala tabaen Tuhan Jesus dongannta. Pos ma rohanta di Tuhanta i. Pamonangan-Na do hita sude, Pamonangan-Na do hita sude.

------- Organ -------

v Tahaburjuhon mangalo dosanta, Jala tabaen Tuhan Jesus donganta. Pos ma rohanta di Tuhanta i. PamonangonNa do hita sude, PamonangonNa do hita sude.

20.     Tangiang Pelean – Ale Amanami – Pasupasu

 Amen-Amen-Amen