Tertib Acara Ibadah Paskah (Bahasa Batak Toba)

TERTIB ACARA PESTA PASKAH I (NA PARJOLO)

DI GEREJA PROTESTAN PERSEKUTUAN (GPP)

GPP SIARO, RESORT TAPANULI UTARA I

MINGGU, 05 APRIL 2015

Dung mangkuling giringgiring, ro ma tu jolo sude angka Parhalado ni Huria, jala sahalak ma mewakili sude Parhalado ni Huria lao pasahathon hata Selamat Paskah tu sude Ruas ni Huria

Thema Pesta Paskah I: “Monang jala Hehe Maralohon Hamatean”

1.          MARENDE BE NO. 94: 1-3            “Ale Tondingku, Naung Hehe”

v Ale tondingku naung hehe Tuhanmu, nunga ditaban do banua toru. Las ma roham ai martua ma ho. Rap dohot Jesus mangolu ma ho, rap dohot Jesus mangolu ma ho.

v Talu si bolis dibahen Tuhannta, nang hamatean nang dosa sudena. Sai dihalashon rohanta ma i. Pangoluon-Na do hita muse.

----------- O R G A N ------------                                        (jongjong)

v Tahaburjuhon mangalo dosanta, jala tabaen Tuhan Jesus dongannta. Pos ma rohanta di Tuhanta i. Pamonangan-Na do hita sude.

2.        VOTUM/INTROITUS                       (U= ULUAN; H= HURIA)

U   :     Marhitehite Goar ni Debata Ama, dohot Goar ni Anak-Na Tuhan Jesus Kristus, dohot Goar ni Tondi Parbadia, natumompa langit dohot tano on. Amen.

            Ai nunga tarida asi ni roha ni Debata, sibahen haluaon ni saluhut jolma. Ndang hasuhatan haburjuon nang pangaramotion ni Debata tu hita angka na niasian-Na i.

H   :     Dipatimbul rohangku do Tuhan i. Mariaia do tondingku mida Debata, sipalua ahu.

U   :     Na badia do Goar-Na i. Ai marsundutsundut do asi ni roha-Na mida angka na manghabiari Ibana. Pola mate Tuhanta i hinorhon ni hadosaonta, Tarsilang di Golgata dibagasan haleaan humonghop hita, alai hehe do Ibana nuaeng laho pamonangkon hita.

H   :     Hagogoon do diula tangan-Na i, diparserakhon do angka na ginjang marroha.

U   :     Angka na gogo i dipaijur do sian habangsanasida, dipabangkit do angka na metmet. Na denggan dipasuksuk Ibana tu angka na male, jala angka na lobian hian rumar do dipalaho. Hinorhon ni i gabe pos rohani angka na porsea di angka ari na naeng sidalanan ganup di angka partingkian na naeng ro.

H   :     Sai hubaritahon ma angka asi ni roha-Na di manogot i, dohot hasitongan-Na di bornginna i.

U   :     Didok Tuhannta Jesus: Haporsuhon do jambarmuna di portibi on, alai pos ma rohamuna, nunga talu Hubaen portibi on. Haleluya …

H   :     (Mangendehon) Haleluya, haleluya, haleluya

U   :     Antong martangiang ma hita:  (Agenda GPP VIII/1)

            Amen.                                                                                                                                                 (hundul)

3.      MARENDE BE NO. 89:1,7               “Ate Didia Soropmi”                                                              

v Ate didia soropmi nuaeng o hamatean? Didia hamonanganmi nuaeng banua toru? Na talu do hamu sude, na talu do si bolis pe. Ai ditaluhon Jesus.

v O hamatean talu ma. Sai talu ho sibolis. Banuatoru talu ma, ai i do naung tartulis. Tapuji Debatanta i, dibaen hamonanganta i, marhite Tuhan Jesus.

4.        SINGKAT NI PATIK (1 Johanes 4:7-10)

5.        MARENDE BE NO. 90: 3,4              “Sai Marlas ni Roha Hita”                                     

v Ia ho banuatoru, nunga harhar talimi. Ai dung hehe na gumogo, loha do hurunganmi. Surgo i tarungkap do, dung ditaban Jesus ho. Gabe tu hangoluanna, diarahon do donganna.                                                   (Jongjong)

v Dohot ho, o hamatean, nunga mago soropmi. Suruhonku pe udean, ndang na tinggal au disi. “Anggo au mangolu do, sai mangolu dohot ho!” Ninna Jesus tu rohangku, molo ro hamateanku.

6.        PANOPOTION NI DOSA

U   :   O ale Tuhan Debata Amanami Parasiroha na Sumurung, na ro do hami nuaeng tu jolom na laho pasahathon dirinami hinorhon ni angka dosa nang sude angka pangalaosionnami.

H   :   Sai paeleng ma sipareon-Mu Tuhan, laho tumangihon hami na dison.

U   :   Ai dirajumi rohanami do na so patut hian do hami ro tu joloM, alai na marningot ma hami holan Ho do Debata Parasiroha na sumurung.

H   :   Tuhan, asi ma rohaM.

U   :   Molo dijujur Ho do angka dosa nang angka pangalaosionnami i, tontu ndang tagamon so hona uhumanMu hami. Molo ala ni i do Tuhan, tung na so jadi hami jongjong nuaeng dison. Mansai jotjot do huarsahi hami Ho marhitehite pingkiran dohot hata dohot pambahenannami na roa i.

H   :   Tuhan, asi ma rohaM.

U   :   Ndang huhaholongi hami Ho sian nasa rohanami dohot nasa ateatenami dohot nasa tondinami dohot nasa gogonami; nang dongannami, ndang doshon dirinami hubahen hami.

H   :   Tuhan, asi ma rohaM.

U   :   Rimas, marsisonggahan, panginsakhion, hosom ni roha, elat, teal, dohot late ni roha, halosohon, manghatahata dongan dohot angka lan na asing i, sai na jojot do gabe angka i natarida marhite angka ngolunami be di parsaorannami nang di tonga ni keluarga, di parkarejoannami, di Masyarakat, nang di tonga-tonga ni huria i sandiri pe. Hape targoar ma hami angka sisean-Mu, Tuhan.

H   :   Sai unang be jujur angka i Tuhan, sai asi ma rohaM di hami.

U   :   Antong, martangiang ma hita dibagasan rohanta be lao manopoti saluhut angka pangalaosionta i:

------------------- Holan Organ BE No. 212:1 ----------------------

U   :   Tabegema bagabaga ni Debata taringot tu hasesaan ni dosanta: (Agenda GPP D/12)

H   :   A m e n.                                                                                                                                                                (hundul)

7.        KOOR/VOCAL GROUP R/NGPP

8.        MARENDE BE NO. 91: 3,4          “Hatuaon do”

v Hatuaon do, las ni roha do, hangongot ni Tuhanta i. Mungkap do dalan, tu hangoluan, las be, las be ma rohanta i.

v Hatuaon do, las ni roha do, hangongot ni Tuhanta i. I ma gogonta, dompak dosanta, las be ma rohanta i.

9.        E P I S T E L : Psalmen 114:1-8

10.     KOOR PUNGUAN INA

11.     MARENDE BE NO. 92:1,6               “Pujima na Manaluhon”                                        

v Puji ma na manaluhon, dosa hamatean i. Puji ma na pangoluhon, saluhut pardosa i. Jesus na dung mate i, las roham o huria-Na. Ala na mamillit ho, Jesus i mangolu do.                                                                          (Jongjong)

v Molo hehe pamatangku, molo pinasangap au. Idaonku Debatangku, Jesus Sipangolu au. Suman tu Ibana au, molo hehe pamatangku. Jadi ngolungoluMi, gabe hangoluanki.

12.     MANGHATINDANGHON HAPORSEAON

13.     KOOR PUNGUAN AMA

14.     TINGTING HURIA/WARTA JEMAAT

15.     TANGIANG PANGONDIANON

16.     AYAT PELEAN: 1 Kronika 16:34

(Mandok mauliate ma hamu di Jahowa, ai na basa do Ibana, ai ro di saleleng ni lelengna do asi ni roha-Na i).

17.     MARENDE BE NO. 96: 1---             “Nunga Talu Hamatean“                                                        (Pelean I & II)

v Nunga talu hamatean, dibaen Tuhan Jesus i. Ai na hehe do Ibana songon na nidok-Na i. Haleluya, haleluya nunga hehe Jesus i. Haleluya, haleluya, nunga hehe Jesus i.

v Ia angka boruboru lao do tu tanoman i, ndang disi be Tuhan Jesus nunga hehe sian i. Haleluya, d.u.

-------------------- Organ ------------------                                                                      

v Marlasroha be ma hita, ala hehe Jesus i, ai malua sude hita sian hamagoan i. Haleluya, d.u.

v Sai tapuji ma Tuhanta, na marholong roha i. Tapasangap ma Ibana, na marasiroha i. Haleluya, d.u.

18.       J A M I T A : Markus 16:1-8

19.       MARENDE BE NO. 93: 1---    “Pesta Paskah Hatuaon” (Pel. III) dohot (Pel. IV tu jolo, tu Perbelanjaan Pandita)

v Pesta Paska hatuaon, pesta Paska haluaon sian hamatean i, sian hamatean i. Tuhan Jesus do pasuang hangoluan hasonangan tu saluhut jolma i.

v Talu ho banua toru, ndang tarbahen tiopanmu Raja Siparngolu i, Raja Siparngolu i. Hamatean hamagoan na so pola habiaran, nunga talu i sude.

-------------------- Organ ------------------

v Tuhan Jesus do na monang, Tuhan Jesus do pasuang, las ni roha dame pe, las ni roha dame pe. Dongan, golom ma hata-Na, na porsea di Ibana, ndang tarbahen mago be.

v Sai tapuji ma Tuhanta, na pabongot tu rohanta, roha pangkirimon i, roha pangkirimon i. Ia mate pe donganta, sogot ingkon idaonta, saluhut di surgo i.

20.       TANGIANG PELEAN – ALE AMANAMI – PASUPASU

AMEN-AMEN-AMEN

(Dung sidung Acara Minggu, hitajalang be ma angka donganta na adong disiamunta nang na

di sihambirangnta, laos tapasahat ma tu nasida hata: SELAMAT PASKAH!)