Tertib Ibadah Paskah STAKPN Tarutung 2017 (INKULTURATIF BATAK TOBA)

IBADAH PERAYAAN PASKAH

KELUARGA BESAR STAKPN TARUTUNG

TAHUN 2017

(INKULTURATIF BATAK TOBA)

Silangkitang, Auditorium STAKPN Tarutung

Rabu, 03 Mei 2017

Tema       : Dipahehe raphon Kristus (1 Korint 15:14).

                   Dibangkitkan bersama Kristus.

Sub Tema  :    Kebangkitan Kristus adalah dasar pengharapan iman dan semangat baru bagi Keluarga Besar STAKPN Tarutung demi peningkatan kualitas budaya kerja dan keilmuan.

I.    PROSESI

Parjamita, Ketua STAKPN Tarutung, Wakil Ketua (I, II, III), Ketua Jurusan dohot Direktur Pascasarjana, Ketua Panitia Paskah.

II. MARULAON NA BADIA                            (L: Liturgos, R: Ruas)

Tapangiar ma soaranta mangendehon naung hehe Jesus sian hamatean mangungkap dalan di angka na porsea tu hangoluan salelenglelengna, marende ma hita sian BE No. 96: 1,3 “Nunga Talu Hamatean”

         

v Nunga talu hamatean, dibaen Tuhan Jesus i. Ai na hehe do Ibana songon na nidok-Na i. Haleluya, haleluya nunga hehe Jesus i. Haleluya, haleluya, nunga hehe Jesus i.

v Marlasroha be ma hita, ala hehe Jesus i, ai malua sude hita sian hamagoan i. Haleluya, d.u.

               

L	:	Hamu angka dongan sahaporseaon di bagasan Kristus Jesus, sadarion marlas ni roha do hita ala nunga ditaluhon Jesus Kristus sorop ni hamatean i. Hamonangan ni Jesus gabe hamonangan nang di hita. Nunga hehe Kristus i, Selamat Paskah ma di hamu..!!
R	:	Tutu nunga hehe Kristus i, Selamat Paskah ma di hita saluhutna.
L	:	Tapungka do ulaonta sadari on marhite namanganthon parpadanan na badia hita, namarhadomuan ma i asa pasidohot hita di bernit ni partinaonan suang songon i nang hamonangan ni Kristus na tapestahon dibagasan ombas on. Asa ias hita dibagasan hahehon dohot pangkirimon na imbaru. Nuaeng, andorang so rap hita manganthon sipanganon na badia i, taparade ma jolo dirinta marhite martangiang na hohom ma hita dibagasan rohanta be...
		---------------- Martangiang na hohom --------------------
		Dame ni Debata na sumurung sian saluhut roha, i ma namangaramoti ateatemuna dohot rohamuna marhitehite Kristus Jesus. Amen.
		Martangiang ma hita:
		Ale Tuhan Debata Parasiroha na sumurung, topot ma hami na pungu dison. Andorang hupangan hami annon parpadanon na badia i, lehon ma Tondi Parbadia tu ganup hami, asa ditubuhon haposeaon na mangolu di hami, asa pos situtu rohanami di Anak-Mu Tuhan Jesus Kristus, na manghophop hami. Pargogoi ma hami mansoadahon dirinami, asa tarihuthon hami Tuhan Jesus Tuhannami, jala asa ditubuhon haporseaon na mangolu i di hami. Amen.
		Dipaboa Hata i do laba na Marulaon na badia: “Na nilehon humophop hamu bahen hasesaan ni dosa, hangoluan dohot hasonangan marhitehite panganon na badia i. Ai disi hasesaan ni dosa, disi do dohot hangoluan dohot hasonangan”. Nuaeng, jongjong ma hamu saluhutna! Tatangkasi ma jolo rohanta be, jala alusi hamu ma sungkunsungkun on: 1. Diparhatutu roham do: Halak pardosa ho sian hatutubum dohot ala ni pangalaosim di Patik ni Debata? 2. Na marsak do roham ala dosam i, jala dipangido roham, naeng malua ho nuaeng sian dosam? 3. Diparhatutu roham  do: naung ro Tuhan Jesus Kristus tu tano on pangoluhon pardosa; Ibana naung mate dohot mulak mangolu humophop ho, mamorsan jala manesa dosam? 4. Olo do ho manggotaphon sian roham late ni roha dohot hosom ni roha? Angkup ni i, olo do ho mardenggan dohot halak na mangarsahi ho, jala na olo do ho manesa dosa ni donganmu, songon na pinangido ni roham sesaon Debata sude dosam? Molo songon i roham, dok ma alusmu!
R	:	Na olo do au.                                                                                                            (hundul)

Marende BE No. 153:1                             “O Jesus, naung sineat”                                  BL. 126

1.	O Jesus, naung sineat di hau na pinarsilang. Roham tongtong daulat, nang uju Ho tarhilang. Marutang hosa hami, ditaon Ho dosanami. Asi roham o Jesus.

L

:

Antong tangihon hamu ma tona ni Tuhan Jesus laho padirihon Parpadanan na badia i: Dibuat Tuhan Jesus Kristus do sagusagu bornginna i, uju tarjehe Ibana, didok ma mauliate, dung i diponggoli ma diparlehon ma tu angka sisean-Na huhut ma didok: “Jalo hamu ma jala pangan ma, daging-Ku do i, na nilehon  tu hamatean humophop hamu. Bahen hamu ma songon i bahen parningotanmuna di Ahu!” Jala dung sun nasida mangan, dibuat ma panginuman i, didok ma mauliate, dung i didok ma tu nasida: “Jalo hamu ma, sude hamu manginum sian i. Ia panginuman on padan na imbaru ma on marhitehite mudar-Hu, na niusehon humophop hamu bahen hasesaan ni dosa. Sai bahen hamu ma songon i bahen parningotanmuna di Ahu! Antong, nunga rade sude! Ida jala dai hamu ma denggan basa ni Debata. Nuaeng, jongjong ma hamu saluhutna. (Ruas mangarade sagusaguna be) Didok Tuhanta Jesus Kristus: Jalo hamu ma on jala pangan ma! Daging-Ku do i, na nilehon tu hamatean humophop hamu. I ma mangaramoti jala pahothon rohamuna manghaporseai Ibana, asa di hamu hangoluan na so ra suda. Amen. (Rap manganthon sipanganon na badia) (Ruas mangarade anggurna be) Jalo hamu ma on jala inum hamu sian i. Mudar-Hu do i, na niusehon humophop hamu bahen hasesaan ni dosamuna. I ma mangaramoti jala pahothon rohamuna manghaporseai Ibana asa di hamu hangoluan na so ra suda. Amen. (Rap manginum siinumon na badia) (hundul)

Marende BE No. 435:1,2         “Marolopolop Tondingki” 

                                           

1.	Marolopolop tondingki ai naung di tobus Jesus i. Hamu sude, bege ma i, sai las rohangku mandok i. Sonang ni tingki i, dung jumpang Jesus Tuhanki. Tondi na mangajari au, tarbaen marlas ni roha au. Sonang ni tingki i, dung jumpang Jesus Tuhanki.
2.	Dihaol holongna rohangki, tung na so boi be mago i. Mata-Na do manatap au, pinggol-Na tumangihon au. Sonang ni… du.
L		:	Martangiang ma hita: Puji ma Tuhan Debata ale tondingku, jala nasa  rohangku di bagasan mamuji Goar-Na na badia i. Ibana do manesa dosam sudena, jala Ibana pamalum angka sahitmu sudena marhite mudarna naung use humongkhop hita. Parasiroha jala Pardenggan basa do Tuhan Debata, lambat tarrimas jala Parasiroha godang. Ndang dibahen tu hita na hombar tui dosanta jala ndang dibaloshon tu hita na hombar tu hajahatonta. Songon asi ni roha ni amaama tu angka anakhonna do asi ni roha Tuhan Debata di angka na manghabiari Ibana. Nunga tangkas dipatuduhon Debata holong ni roha-Na i tu hita di na mate Kristus, humophop hita uju pardosa dope hita. Antong nda lam malua hita nuaeng sian rimas-Na, dung gabe parpintor hita hinorhon ni mudar-Na i. Dibahen i sai pujion ni pamanganku dohot rohangku dohot nasa pambahenanku do Tuhan Debata olat ni on ro di saleleng ni lelengna. Amen. Pasupasu: ....

III. IBADAH PERAYAAN

1.    Koor Paduan Suara Mahasiswa

2.    Joujou tu Panombaon – Votum – Introitus – Tangiang (L: Liturgos, R: Ruas)

L1	:	Tung so tarasam hita do balga ni holong ni roha ni Debata, jala tung so hasuhatan do denggan ni basa-Na. Nuaeng marpungu do hita laho mamestahon balga ni holong-Na i. Perayaan Paskah nabertema: Dipahehe raphon Kristus, jala Sub Tema: Kebangkitan Kristus adalah dasar pengharapan iman dan semangat baru bagi Keluarga Besar STAKPN Tarutung demi peningkatan kualitas budaya kerja dan keilmuan.
L2	:	Didok hata ni Debata: Puji hamu ma Ibana mardongan soara ni sarune, puji hamu ma Ibana mardongan arbab dohot sordam. Puji hamu ma Jahowa mardongan tali sayak dohot panontoron na marliat, puji hamu ma Ibana mardongan hasapi dohot tulila. Puji hamu ma Ibana mardongan ogung panggora, puji hamu ma Ibana mardongan ogung panonggahi (Psalmen 150:3-5)! Antong tapuji ma Tuhanta marhite ende “Arbab”, laos jongjong ma hamu!
R	:	Mangendehon  “Arbab” Nda tama endehononku, pamujionku di Debatangku         Ooo… nda tama halashononku, denggan basa-Na pangolu au         Pujionku ma Jahowa marhite sordam manang tulila         Ooo… pangkeonku dohot arbab, mambahen sangap di Tuhan i         Reff: Haleluya sai pujionku Tuhan i, pasangaponku goar-Na i         Tung saluhut angka uninguningan i, naeng pangkeonku baen pujian na uli         Ooo… paluonku ma sarune, rap dohot ogung mardongan odap         Ooo… rap dohot parhinaloan, endehononku Tuhanta i. ---musik---         Pujionku ma Jahowa marhite sordam manang tulila         Ooo… pangkeonku dohot arbab, mambahen sangap di Tuhan i         Reff: Haleluya… d.u.
L1	:	Ibana do mual ni pasupasu dohot hangoluanta. Nuaeng pe pataridahononta ma parsombaonta, panindangionta, dohot las ni rohanta di pasupasu ni Jahowa naung tajalo, marhitehite budaya habatakonta. Antong amang pangual pargonsi: Alualuhon ma jolo tu Debata Ama, na manompa langit dohot tano on, dohot nasa isina, ima Tuhan Jahowa, Ama na hutanda hami di bagasan goar ni Anak-Na Jesus Kristus. …(manghuling taganing)… Alualuhon ma tu Tuhan Jesus Kristus, Anak ni Debata na sasada i, na paluahon hami sian dosa dohot hamatean marhite mudar-Na na badia i. ...(manghuling taganing)… Alualuhon ma tu Tondi Parbadia na ruar sian Ama i dohot sian Anak-Na Tuhan Jesus Kristus, na pajongjong huria na badia i. … (manghuling taganing)… Tapuji ma Tuhanta na gok huaso i, taendehon sangap ni goar-Na i..!!!
R	:	Mangendehon BE No. 585: 3 “Somba ma Jahowa” Somba ma Jahowa Debatanta, Amen haleluya Sigomgom langit, tano on, ro di isina, Amen haleluya Beta hita lao marsinggang tu jolo-Na, Amen haleluya Na songkal jala na badia do Jahowa, Amen haleluya Endehon amen haleluya, endehon Amen haleluya Endehon amen haleluya, endehon Amen haleluya
L2	:	Marhitehite Goar ni Debata Ama dohot Goar ni Anak-Na Tuhan Jesus Kristus dohot Goar ni Tondi Parbadia na tumompa langit dohot Tano on. Amen. Ai nunga tarida asi ni roha ni Debata, sibahen haluaon ni saluhut jolma. Dipatimbul rohangku do Tuhan i. Mariaia do tondingku mida Debata, sipalua ahu. Na badia do Goar-Na i. Ai marsundutsundut do asi ni roha-Na mida angka na manghabiari Ibana.
R	:	Hagogoon do diula tangan-Na i, diparserakhon do angka na ginjang marroha.
L1	:	Angka na gogo i dipaijur do sian habangsanasida, dipabangkit do angka na metmet. Na denggan di pasuksuk Ibana tu angka na male, jala angka na lobian hian rumar do dipalaho.
R	:	Sai hubaritahon ma angka asi ni roha-Na di manogot i, dohot hasitongan-Na di bornginna i.
4 L2	:	Didok Tuhannta Jesus: Haporsuhon do jambarmuna di portibi on, alai pos ma rohamuna, nunga talu Hubaen portibi on. Martangiang ma hita: Amang Pardengganbasa, mauliate ma rohanami di Ho. Pasupasu ma hami sadari on manghalashon dohot patupahon “Perayaan Paskah Keluarga Besar STAKPN Tarutung Taon 2017”. On pe, sai jalo ma hamauliateon ni rohanami. Angkup ni i, sai lehon ma TondiM tu hami, na mamuhai dohot patiurhon mata ni rohanami, asa lam huida hami sude na denggan, sude na uli na pinatongon-Mi tu hami, asa lam ringgas rohanami mamuji dohot pasangaphon Ho marhitehite Tuhan Jesus Kristus, Tuhannami. Amen. (hundul)

3.    Koor Paduan Suara Syeraf Pro Deo

4.    Panopotion ni dosa

L1	:	Didok angka natuatua: Rupa do dang boi muba, alai pangalaho boi do tarpauba. Habang binsakbinsak, sirubaruba dohot ambaroba – Sai unang jolo hona insak hita, asa pinauba roha. Ringkot do na mananda diri. Alani dibagasan unduk dohot serep ni rohanta, martangiang ma hita di bagasan rohanta be, mamilangi ganup nahumurang sian diri nang rohanta.
		---- Martangiang dibagasan roha ---
L2	:	Sian bortian ni dainang nunga mardosa hita jala sahat tu nuaeng pe jotjot do taarsahi roha ni Debata marhite hata, pambahenan dohot pingkiranta.
R	:	Sipata na dosa i pe dang be tagoari dosa.
L1	:	Tarlambat masuk kuliah dang be sada hailaan, ai sudena nunga mangulahon i.
R	:	Sipata na dosa i pe dang be tagoari dosa.
L2	:	Plagiarisme be nunga hasomalan: copy-paste karya keilmuan perihal biasa, hatanta mandok: nuaeng nunga jaman internet.
R	:	Sipata na dosa i pe dang be tagoari dosa.
L1	:	Dosen tung mansai maol nijumpangan, sipata tarilu holan mangalului tingki laho konsultasi. Hatanta mandok: ai nunga resiko ni mahasiswa do i.
R	:	Sipata na dosa i pe dang be tagoari dosa. Nda sasintongna ulaon ni dosen asa marhobas do nasida tu mahasiswa?
L2	:	Angka sampah marserakan ndang be sada hailaan, hatanta mandok: ai adong do Petugas Kebersihan.
R	:	Sipata na dosa i pe dang be tagoari dosa.
L1	:	Engkel keramahan na sipata maol nidapot di pelayanan kampus, biaya administrasi muncul na sipata tanpa dasar, halosohon laho mangaramoti sarana kampus, pergaulan na so sehat, dohot godang angka lan asing dope na sasintongna ingkon dao sian lingkungan kampus natahaholongi on. Sai tapagagagagah dirinta mandok hata Syalom, syalom! hape dame i pe sai dao do sian hita.
R	:	Ale Tuhan, asi ma roham sai sesa ma dosanami…
L2	:	Hatami do Tuhan na mandok: Huhagigihon, biasan ahu mida angka ari rayamuna, jala ndang dihalomohon rohangku angka luhutanmuna. Ai nang pe dipelehon hamu tu ahu angka pelean situtungon dohot pelean sipanganon, ndang lomo rohangku disi, pelean hamauliateon sian pinahanmuna pamuean pe, ndang parduli ahu disi. Paholang ma sian ahu hagunturon ni angka endemu, jala ndang lomo roha ni pinggolhu umbege soara ni sordammu. Jadi margilinggiling ma songon aek uhumi, jala hatigoran songon sunge na so olo marsik (Amos 5:21-24). Dibagasan unduk dohot serep ni roha, ro ma hita tu adopan ni Debata. Tatopoti ma dosanta tu Amanta Debata, jala tapangido ma hasesaan ni dosanta, dibagasan goar ni Tuhan Jesus Kristus Parasiroha i.
R	:	Mangendehon BE No. 719 “Hubege SoaraM O Jesus” Hubege soaraM, O Jesus hubege soaraM O Jesus Hubege soaraM O Jesus na manjouhon “ihuthon ma au” Togu au Jesus Tuhanku iringiring ma langkangku Patuduhon ma dalan-Mu asa unang unang lilu au.
L1	:	Hamu angka dongan naung manopoti dosa, nuaeng tabege ma hata bagabaga ni Debata taringot tu hasesaan ni dosa: Songon on do hata ni Tuhan Jahowa: Nunga pola hupasisi angka pangalaosim songon ombun, jala songon ombun manorop angka dosam. Sai mulak ma ho tu Ahu, ai Ahu do sipalua ho. Hasangapon ma di Debata na di Ginjang.
R	:	Amen.

5.    Marende BE No. 719:2  “Hubege SoaraM O Jesus”

2.	Hupasahat ma diringku, hupasahat ma diringku, Hupasahat ma diringku mangihuthon Jesus Tuhanki. Togu au Jesus Tuhanku iringiring ma langkangku Patuduhon ma dalan-Mu asa unang unang lilu au.

6.    Tangiang Pangondianon: 

7.    Marende BE No. 348:1,2 “Lobi Timbona Dope”

1.	Lobi timbona dope sian bintang, Do manondangi panondang di ho. Sabam disi ma roham jala sonang, arsak ni roha ndang dais be tu ho. Arsak ni roha ndang dais be tu ho.
2.	Lobi timbona dope sian bintang, Gabe torang ma sude na buni. Na hinirimmu nuaeng gabe jumpang, las ni roham ndang mansohot di si. Las ni roham ndang mansohot di si.

8.    J a m i t a: 

9.    Marende BE No. 754: 1--- “Gok Las ni roha do Au”

Medley No. 247:1--- “Sai hehe ma hamuna”                                                                          (Pelean)

754	Gok las ni roha do au di ngolungkon, di ngolungkon di ngolungkon Gok las ni roha do au di ngolungkon tongtong di rohangkon Mauliate gok las ni roha maringan holong-Mi Tuhan di au Mauliate gok las ni roha, maringan holong-Mi Tuhan di au --- musik --- 6 Mardame jala sonang do ngolungkon, di rohangkon, di rohangkon Mardame jala sonang do ngolungkon, tongtong di rohangkon Mauliate d.u. --- musik --- Gok do holong ni Jesus di ngolungkon, di ngolungkon, di ngolungkon Gok do holong ni Jesus di ngolungkon, Tongtong di rohangkon Mauliate d.u. --- musik ---
247	Sai hehe ma hamuna hamu parangan ni Tuhanta Jesus Krsitus tu paraloan i. Ai ndang tarbaen ho monang nda na mangalo ho. Ai musu ni Tuhanta tung ingkon talu do. --- musik --- Tangihon panjouon-Na tu hamusuon i. Ihuthon ma hata-Na mangalo dosa i. Ibana do donganmu mandopang musu i. I pe tongtong haposi Tuhanta Jesus i. --- musik --- Ndang jadi haposanmu gogom sandiri, da. Ai tung na so hasea do i di Debata. Sai naeng basahonon-Na di ho sinjatami. Ai ndang tarbaen so talu musuna baenon ni.

10.Tangiang Pelean

Tangiang Ale Amanami

Amen – Amen – Amen

IV.    LAPORAN DAN KATA SAMBUTAN

1.    Laporan Ketua Panitia Paskah

2.    Kata Sambutan Ketua Senat Mahasiswa STAKPN Tarutung

3.    Kata Sambutan Ketua STAKPN Tarutung

Koor/ Vocal Group HMJ PMG

Koor/ Vocal Group HMJ PK

Koor HMJ Teologi

Koor HMJ PAK

V.   HIBURAN DAN PENGUMUMAN PEMENANG KEGIATAN PASKAH