DI GPP RESORT
TAPANULI UTARA I
JUMAT, 31 DESEMBER
2021
THEMA: “SANGKAP
HASONANGAN NI JAHOWA”
Mangkuling
Giringgiring
1.
PANGARADEON (U=Uluan; R=Ruas)
|
U |
: |
Huria nahinaholongan
ni Tuhan Jesus Kristus na marpungu do hita di borngin ujung taon 2021 on.
Ndang apala sadia lelengnai tinggalhononta ma taon 2021 jala bongot ma hita
tu taon 2022. Di ujung ni taon on ringkot do marrujiruji hita marningot
pardalanan naung tabolus, huhut songon na mangalap gogo andorang so tauduti
pardalananta i. Antong aha ma si soarahononta tu Tuhan Pardenggan basa i? |
|
R |
: |
Sai parrohai ma hami mamilangi angka ariarinami, asa dapotan roha na
bisuk hami. |
|
U |
: |
Nuaeng
bongot ma hita tu parsaoran na badia laho mamuji dohot pasangaphon Tuhanta i.
Marsalpuan do angka taon, alai manongtong do Hata ni Debata. Angka
halongangan do nabinaenNa i. Dibahen I, taparade ma dirinta di na laho
marsaor dohot Ibana: Martangiang na hohom ma hita di bagasan rohanta be. ---------------------------- Saat Teduh/Martangiang
na Hohom ----------------------------- Amen.
Tapuji ma Tuhanta rap ma hita mangendehon angka balga ni pambahenanNa i
marhite BE No. 569:1-2: O Debata tung Longang do Rohangku. |
2.
MARENDE BE NO. 569:1-2: “O DEBATA TUNG LONGANG DO ROHANGKU”
|
O Debata tung longang do
rohangku, molo hubereng na tinompaMi. Saluhut bintang, hilap dohot ronggur,
manghatindanghon hasangaponMi. Marende au Tuhan mamuji Ho. O Debata, sangap
do Ho. Marende au Tuhan mamuji Ho. O Debata, sangap do Ho. (jongjong) |
|
Di ladang di
adaran dohot tombak marende pidong tung mansai sonang. Punsu ni dolok, sunge
dohot rura, mamaritahon sangapMi Tuhan. Marende au… |
3.
VOTUM-INTROITUS
|
U |
: |
Marhitehite
Goar ni Debata Ama, dohot Goar ni AnakNa Tuhan Jesus Kristus, dohot Goar ni
Tondi Porbadia na tumompa langit dohot tano on. Amen. Ai songon timbo ni
langit sian tano on, songon i do tumimbo angka dalanKu sian dalanmuna i, jala
angka pingkirangKu sian pingkiranmuna i. |
|
R |
: |
Debata do pangondianta, Ibana do namandongani jala namangaramoti
ngolunta. |
|
U |
: |
Dungo
ma hamu jala martangiang, asa unang hamu bongot tu pangunjunan. Managam ma
hamu, dungo ma hamu jala martangiang, ai ndang diboto hamu manang andigan
tingki ni i. |
|
R |
: |
Debata do pangondianta, Ibana do napatoguhon jala pamalum rohanta. |
|
U |
: |
Haleluya.
Martangiang ma hita: (Agenda GPP hlm.63 No.2) Amen.
(hundul) |
4.
MARENDE
BE NO. 183:1,3 “NA JUMPANG AU”
|
Na jumpang au na
asi roha di au naung mago i hian. Tuhan Jesus parasi roha di au na lilu na
hinan. Nuaeng hutanda Tuhanki Parasi roha bolon i, Parasi roha bolon i. |
|
On
pe holan asi ni roha sipangasahononhon i. Sipujionku do Jahowa dung ro na
pamanathon i. Unduk huhut las rohangki Mamuji asiroha i, Mamuji asiroha i. |
|
|
5.
REFLEKSI
UJUNG TAON 2021
|
U |
: |
Marragam
do na tabolus di taon 2021 on, tudos tu roda ni padati na sai marhusor:
sipata do ro angka parungkilon, alai soluk do ro muse angka lasniroha. Diloas
do hita mangula ulaon, manggotil parbue ni na taula. Dungo manogot na i, jala
dilehon borngin asa paulak gogo. |
|
R |
: |
Ale Tuhan, nunga diramoti Ho hami mardalan di bagasan sada taon,
huida hami do godang ni asi ni rohaM na pinatongonMu dingolunami. Sai lam
gandai ma holong ni rohanami tu Ho, asa sai hupuji hami Ho di sandok gulmit
ni ngolunami. |
|
U |
: |
Boi
tapaborhat angka ianakhonta marsingkola, suang songon i rap mengkel tu angka
keluarga nang pe dao. Marningot i, tama do marlasniroha hita ala sahat do tu
ujung ni taon on. |
|
R |
: |
Hupuji hami ma Ho Tuhan, ala asi ni rohaM na sai mian di ngolunami. |
|
U |
: |
Di
tingki na parpudi on, tabolus do sorimago binoan ni Covid-19 na mambahen
torop angka dongan na marsahit sahat tu na agoan hosa. Susa nang pandaraman
ala parhusoran ni perekonomian na so tarbahen mardalan dohot denggan.
Manginona do i sahat tu huria, godang na so boi patupahon parmingguan nang pesta
Natal pe ala ndang boi torop marpungu. Alani i, ingkon sai manggogo hita
nuaeng martangiang tu Tuhanta i anggiat ma tibu salpu hamaolon i, malum portibion
asa tung tarbahen sumuang hita tu parngoluon na dumenggan, lumobi ma di na laho
mamongoti taon na imbaru 2022 na naeng ro on. |
|
R |
: |
Ale Tuhannami, Parasiniroha jala Pardenggan basa do Ho. Sai asi ma
rohaM mida hami. Pasuang ma hami tu ngolu na dumenggan marhite hasusuda ni
virus Corona sian tongatonga ni portibi on. Ramoti ma ngolunami marhite angka
ragam ni pasupasu na naeng lehononMu. |
|
U |
: |
Hamuna
angka dongan sahaporseaon, Manongtong do Hata ni Debata. Jala sangkapNa pe,
tung sangkap hatuaon do, ido na sai tongtong dipatongontongon Tuhanta i di
hita. Antong HataNa i ma sai tahaposi, tagolom tongtong, asa pargogoan ni
HataNa i hita mandalani ariari ni ngolu na nilehonNa i di hita ganup
marsadasada. Amen. |
6.
MARENDE
BE NO. 222:3 “TU JOLO NI TUHANKU”
|
Ai nang pe au
targogot hutatap Rajangki. Sai ro do ganup sogot PangurupiNa i. Na so
pasombuonNa di pangunjunan i. Sai saut paluaonNa na hinophopNa i. |
7.
EPISTEL
(EFESUS 5:13-16)
8.
MARENDE
BE NO. 481:1 “GODANG DOPE”
|
Godang dope
siguruhononmi, asa tudos ho dohot Tuhanmi. Sai tong na hurang hatigoranmi. So
tuk do pe haporseaonmi. Dirim sambing, dihaholongi ho. Donganmu laos
dihalupahon ho. |
9.
BARITA
JUJUR TAON (BERICHT) HURIA:
a.
Pardalanan
ni Huria
b.
Parhepengon/Keuangan
Huria
c.
Parhepengon/Keuangan
Pembangunan
10. MARENDE BE NO. 3:1 “PUJI JAHOWA ALE TONDINGKU”
|
Puji Jahowa ale tondingku, Puji Ibana Debatami. Tagan so suda
dope bohalhu, Naeng pujionku basaNa i. Sitompa daging tondi pe, Ingkon dipuji
sasude. Haleluya, Haleluya. |
11. JAMITA UJUNG TAON (JEREMIA 29:10-14)
12. MARENDE BE NO. 716:1— “DI NA MAMOLUS SANDOK NGOLU ON” (PELEAN)
|
Di na mamolus sangok ngoluon gok do na marsak gale. Boan
sinondang tu na holom i asa margogo muse. Bahen ma ahu parhiteanMu, pasupasuM
ma baor ma i. Ale Tuhanhu patupa ma au baen pasupasu tu dongan sude. |
|
Sai baritahon
Jesus na burju, tuk manesa dosa i,.Asa porsea di Jesus tutu, denggan
pambaenmu disi. Bahen ma ahu… |
|
Ula na denggan tu halak sude, songon binaenNa tu ho, Ingot urupi
luhut na gale, gabe parholong ma ho Bahen ma ahu...
(jongjong) |
13. TANGIANG PELEAN
TANGIANG ALE AMANAMI – PASUPASU.
AMEN – AMEN – AMEN
SELAMAT MANOMU TAON NAIMBARU 2022
TUHANTA MAMASUMASU
Tidak ada komentar:
Posting Komentar