Ibadah Minggu di Rumah 29 Maret 2020

GEREJA PROTESTAN PERSEKUTUAN (GPP)

Jemaat Siaro, Resort Tapanuli Utara I

Acara Ibadah Minggu di Rumah (Batak Toba)

Minggu Judika, 29 Maret 2020

 

Tema: Hatigoran ni Jahowa na Paluahon

Persiapan

1.    Dipersiapkan 2 atau 3 Petugas Ibadah:

-          Pemimpin Nyanyian.

-          Pemimpin Doa, Pembaca Nas, dan Pembaca Narasi Khotbah.

-          Pembawa Doa Syafaat (bisa dirangkap oleh pemimpin nyanyian atau doa).

2.    Bibel (Alkitab) dan Buku Ende (Kidung Jemaat).

3.    Ibadah Dimulai pukul 10.00 WIB, setelah lonceng gereja berbunyi.

Ibadah

--- Saat Teduh/ Martangiang di bagasan roha ---

1.    Marende BE No. 9:1-2 “Hupuji Holong ni”

Hupuji holong ni rohaMu o Tuhan Jesus Rajangki
Tu Ho hulehon ma tondingku ai i do pinangidoMi
Huhalupahon ma diringku mamingkir holong ni rohaMu

Sai dilului Ho do ahu au pe huhalungunhon Ho
Ditaiti rohaMi rohangku dibahen i hulehon do
Dipillit Ho hian tondingku i pe hutodo Ho Tuhanku

2.    Tangiang Pamuhai:

Ale Amanami na di banua ginjang, tongtong sai dijouhon Ho do asa taruli hami di hasonangan naung pinaradeMi di hami. Holong ni rohaM dipataridahon Ho do marhite panghophop ni Jesus Kristus naung tumopot hami.

Alai nuaeng pe Tuhan, dihilala Ho do na loja situtu hami binahen ni pangela ni portibi on, hamaolon nang sahit na mangarsahi rohanami. Nunga tung godang barita na dibegehami hombar tu virus Corona naung menelan ribuan jiwa di sandok portibi on, jala hinorhon ni i do pola ingkon gabe di ganup jabu hami nuaeng mambahen parmingguan. Alai ni i Tuhan, jalo ma pamujiannami jala sai urupi ma hami di hasusaannami on. Togutogu ma rohanami marhite TondiMi laho mamolus hasiangan on, paima sahat hami tu hasonangan ni tondinami. Amen

3.    Marende BE No. 424:1 “Soara ni Tondi”

Soara ni Tondi ni Tuhanta i jotjot dilaosi, ditulak ho i.

Sai tanda jeamu, pauba roham.  Dapothon Tuhanmu, Sisesa dosam.

4.    Panopotion ni Dosa

Nuaeng angka nahinaholongan, ro ma hita tu adopan ni Debata parasiroha na sumurung i laho marsomba jala mamboan sude angka dosanta. Manolsoli ma rohanta disi, jala mangido mangelek ma hita di asi ni rohaNa i. Siala ni i, taendehon ma BE No. 182:1,2 “Tu joloM o Debatangku” (taendehon ma na marhite satonga suara).

Tu joloM o Debatangku sai use do rohangkon,

Sai pasiat tangiangku dohot iluilungkon.                                                                

Husolsoli do rohangku na gok dosa i tongtong,

Ai godang ariaringku na hubahen ambolong.

Bagabaga ni Debata taringot tu hasesaan ni dosanta: Munsat pe angka dolok, jala humuntal angka robean, alai ianggo asi ni rohangku na so tupa humordit, ninna Jahowa siasii ho (Jesaya 51:10).

Hasangapon ma di Debata na di ginjang. Amen.

5.    Marende BE No. 195:6,8  “Holong do Roha”

Mangolu ahu binaen ni hata ni Tuhan Jesus tu tondingki.

Dibahen i hudok: Holong do roha ni Debatangku tongtong di au.

Tonggi do holong ni Debatangku na tau mangapul rohangkinon.

Dibahen i hudo : Holong do roha ni Debatangku tongtong di au.

6.    Tangiang Pangondianon/ Doa Syafaat

Topik doa:   1. Pamarentanta asa boi menagani wabah virus Corona

                          2. Angka naung terinfeksi virus Corona nang keluarga nasida

                          3. Angka na bisuk asa boi menemukan vaksin (ubat) tu virus Corona

                          4. Pergumulan ganup keluarganta

7.    Marende BE No. 128: 1,5  “Ditanda Debatanta”

(Pangaradeon diri laho manangihon jamita)

Ditanda Debatanta na di Ibana i, na metmet nang na balga di nasa bangso i. Ndang mago loasonNa nang sada sian i. Ditogu do sudena tu hasonangan i, ditogu do sudena tu hasonangan i

Sai songon i ditanda Tuhanta jolma i, na mangoloi hataNa di nasa bangso i. Haporseaon i do partinandaan i. Padohot pangkirimon nang haholongon i. Padohot pangkirimon nang haholongon i.

8.    Jamita: 2 Petrus 1:1-9 (boi ma nijaha di lampiran jamita)

9.    Marende BE No. 485:1,3 “Dongani au Tuhan” (diendehon na marhite satonga suara)

Dongani au Tuhan sondangi rohangki, Pangiring ni mataM patongon langkangki.
Sandok sude gogongku padohot pingkiranku, Huboan peleanku mangula ulaonMu. Ai hinalomohonMi, urupi rohangki.

                Ho siapuli au, sai pargogoi ma au. Tarunjun au tongtong dibaen portibi on.

Ajari au maniru Tuhanku Sipangolu, ringkot naeng botoonku pasauthon pingkiranMu. Ho do na mangapuli au, sai pargogoi ma au.

                                                

10.    Tangiang Penutup

Tasimpuli ma parmingguan di tonga ni jabunta on, martangiang hita:

Ale Jahowa Debatanami, pardenggan basa do Ho. Diboto Ho do sihol ni rohanami marsaor dohot Ho di bagas joroM nabadia i, jala marsaor dohot donganami sahaporseaon. Pasaut ma pangidoannami, padao ma hami sian angka ragam mara na masa nuaeng tu portibion nang tu bangsonami. Asi ma rohaM di keluarganami on, dongani ma hami dibagasan na saminggu on, jala marpangidoan hami asa gabe parhitean pasupasu ma nian hami tu angka na di hasiangan on.

Rap mandok ma hita di tangiang Ale Amanami: Ale amanami na di banua ginjang…

(Molo adong namartohonan boi ma disimpuli dohot Pasupasu, alai molo dang adong partohonan diendehon ma BE No. 36:1 “Pasupasu hami”: Pasu pasu hami o Debatanami. Sai sondangkon bohiMi tu na pungu on sude).

Pandita dohot Parhalado GPP Siaro pasahathon Selamat Hari Minggu, dohot Selamat Ulang Tahun di hamu ruas nang parhalado na marulang tahun di bagasan na samingguon

                                                                     Tuhanta ma namasumasu

Ringkot  ma taingot asa:

v  Tetaplah di Rumah/ Stay at Home

v  Jaga jarak satu dengan yang lain/ Social Distancing (Physical Distancing)

v  Upayakan menjauhi keramaian atau kerumunan

v  Bersihkan tangan secara rutin

v  Hindari menyentuh wajah, hidung, dan mulut

v  Gunakan masker bila diperlukan   

v  Perkuat imunitas (daya tahan tubuh) dengan makanan dan pola hidup sehat