Natal Punguan Sipahutar

Tertib Acara

Perayaan Natal Punguan Sipahutar, Boru, Bere na sian Lobusingkam Kec. Tarutung sekitarnya

Tema           :     Jala Dame ni Kristus i ma mangarajai di bagasan rohamuna (Kolose 3:15)

Sub Tema  :     Hataridaan Dame ni Kristus na tapestahon sadari on ima las ni roha, hadameon, sapangkilalaan, jala marsiurupan tu angka dongan

Minggu, 17 Desember 2017

PRA-IBADAH

1.   Laporan dohot Hata Selamat Natal:

      - Laporan Ketua Panitia Natal

      - Ketua Punguan

- Mewakili Boru/ Bere

      - Mewakili Generasi muda Sipahutar

      - Mewakili Majelis Gereja GBIS Tarutung

      - Penasehat Punguan

2.   Pagalakhon Lilin    : Parjamita, Penasehat Punguan, Majelis Gereja GBIS Tarutung, Ketua Punguan, Boru/ Bere, Generasi muda Sipahutar, Ketua Panitia Natal.   

IBADAH

--- Martangiang na hohom ---

1. Marende BE. No. 597b: 1-2 “Baritahon di Dolok”

1.	Ref. Baritahon di dolok di rura di sude inganan, baritahon di dolok naung tubu Kristus i. Dina lulululu au, arian borngin i, rade do Ho Tuhanku, patudu dalan i. Ref. Baritahon di dolok … (jongjong)
2.	Ref. Baritahon di dolok di rura di sude inganan, baritahon di dolok naung tubu Kristus i. Di na pinabangkit-Mu au gabe naposoM, patau ma au Tuhanku marhobas dijoloM. Ref. Baritahon di dolok …

2. Votum/Introitus dohot Tangiang    (U: Uluan, R: Ruas)

U    :     Tasomba ma Debata Ama, mula ni nasa na adong, mula ni Tondi, mula ni eme na marlundu, mula ni jolma na sungsang. I ma Debata Ama, mula ni nasa na adong, na hos di ari, na juang di langit. Na manatap sian ginjang ni langit, na manonggor tu toru ni langit. Mula ni hatuaon, i ma Jahowa Debata Ama.

R    :     Husomba jala hupuji hami ma goar-Mu, Ale Debata. Hasangapon ma di Ho, Amen.

U    :     Tasomba ma Anak-Na Jesus Kristus mula ni na denggan. I ma Jesus Kristus na gabe mual hangoluan, silumallan na tio. Na manarehon pangurupion, tu jolma na tading diruruson, na mian di rura rurus. Mula ni jagar mula ni uhum, sipatiar na rundut, sipatio na litok, i ma anak ni Debata, Ibana do si boan dame, ima Tuhan Jesus Kristus.

R    :     Husomba jala hupuji hami ma goar-Mu, Ale Tuhan. Hasangapon ma di Ho, Amen.

U    :     Martangiang ma hita!

             Ale Amanami, Ama ni Jesus Kristus Tuhannami na tubu di huta Betlehem! Na hundul di habangsa ni habadiaon-Mu. Sitiop tungkot ni Harajaon, na jongjong di aling ulu. Ale Ulubalang na gogo, sai manatap manonggor ma Ho tu hami. Na padimundimun marhitehite asi ni roha, na manogunogu marhitehite lambas ni roha. Ale Debata na margogo, jalo ma somba dohot doding ni dodingnami. Ai Ho do Debata na mambungka di bona, jala na manutup di ujung, Ho do bona dohot ujung na, jalo ma tangiangnami, na husombahonhami marhite Anak-Mu Tuhan Jesus Kristus, Tuhannami. Amen.

(hundul)

3.   Liturgi angka na Sikkola Minggu

4.   Marende BE. No. 598:1            “Bege Ende ni Suruan”

Bege ende ni suruan, sangap ma di Tuhan i. Nunga tubu Sipalua, Raja si pardame i. Di padame Debatanta do diriNa tu pardosa. Nunga tubu Kristus i di huta Betlehem i Ende ni suruan i, sangap ma di Tuhan i.

5.   Liturgi I, Panompaon

Prolog    :  Di mulana i, denggan do sude. Ndang adong na hurang. Debata do na manompa hita tumiru rupa-Na. Tung saluhut do dipeakhon Debata hombar tu angka lapatanna be, asa mangolu jolma i jala marsangap ma Debata.

1.       Keluarga H. Sipahutar (Serasi)

2.       Psalmen 148:1-3                   Keluarga M. Sipahutar (Op. Tini)

3.       Psalmen 148:4-6                   Keluarga S. Sipahutar (Op. Suparjo)

4.       Psalmen 148:7-9                   Keluarga S. Sipahutar (Ama Suparjo)

5.       Psalmen 148:10-13              Keluarga S. Sipahutar (Ama She Nunut)

6.   Liturgi II, Ngolu na marlaok dosa

Prolog    :  Alai, dung mangolu jolma i, tubu ma roha na roa di ngoluna. Diulahon jolma i ma dosa, jala lam mandao ma jolma i sian Debata. Disangahon dope marsidalian jolma naparjolo i dung disungkun Debata nasida boasa manimbil sian tona ni Debata.

1.       Keluarga H. Sipahutar (Ama Hendro)

2.       1 Musa 3:6-8                          Keluarga Panggabean (Sinar Maju)

3.       1 Musa 3:9-11                        Keluarga Renol Sipahutar

4.       1 Musa 3:12-15                     Keluarga D. Manalu (Ama Bintang)

5.       1 Musa 3:16-19                     Keluarga Ester Sipahutar

7.    Koor/ Vocal Grup GBIS Tarutung

8.    Panopotion ni dosa                                                                                                                   (jongjong)

U       : Hujou jala husomba hami ma Ho, ale Tuhan Debatanami. Debata ni ruhut, Debata ni uhum. Di bagasan dosa do hami tubu, jala magodang hami di bagasan hasalaan. Ale Tuhan Debata, mula ni asi, mula ni basa. Sesa ma dosanami, na jongjong di jolo ni langgatan-Mu. Na mangido songon galagala sitelluk, telluk mardaguldagul. Na sala na hutuhuk, nanget huapulapul. Asi ma rohaM.

R       : Sesa ma dosanami. Asa ias ngolunami songon itak, jala bontar songon hapas.

U       : Hujou jala husomba hami ma Ho, ale Tuhan Debatanami. Mula ni denggan, mula ni uli, asa denggan jala uli ngolunami. Sesa ma dosanami, asa sombu uasnami sian aek hangoluan, na pinaradeM tu hami marhitehite sampuran ni holong-Mu. Marhitehite asi ni rohaM, sai tambortambori ma tano na limbi, jala sihorsihori bulu na manipi, asa mabaor sudena asi nang sude pasupasu na uli songon udan nene. Asi ma rohaM.

R       : Sesa ma dosanami. Asa ias ngolunami songon itak, jala bontar songon hapas.

U+R  :  Marende BE No. 681:1 “Ale Amang Asi Roham”                  (Satonga Suara)

             Ale Amang asi rohaM di au pardosa on. Unduk do rohangkon nuaeng marsomba di joloM. Unang jujur, unang jujur angka dosangki. Sai salpuhon, sai salpuhon sian rohaMi.

U       : Martangiang ma hita di bagasan rohanta be, manopoti hadosaonta.

-------------------- martangiang di bagasan roha --------------------

             Baga-baga ni Debata taringot hasesaan ni dosanta:

             Songon on do hata ni Debata: “Buhaanna ma disi mata ni halak na mapitung, jala marbinege bahenonna pinggol ni angka na nengel. Dapotan hilas dohot las ni roha do nasida, maporus ma angka arsak dohot hoihoi. Ndang be male nasida, ndang be mauas, ndang be ditinggang las ni ari nasida. Jadi apusan ni Debata ma nasa iluilu sian mata nasida, ndang adong be hamatean nang arsak ni roha; nang anggukangguk, nang na hansit, ndang adong be disi, ai nunga salpu sudena i”. Amen.

(hundul)

9.    Liturgi III, Baga-baga haluaon

Prolog    :  Ndang adong na tigor nanggo sada, ndang adong na marroha, na usouso di Debata. Saluhut jolma nunga manimbil, tung sange do nasida marroha mago ndang adong sibahen na denggan nanggo sada, Alai nang pe songon i, sai marpamuati do roha-Na tu angka sipardosa, dibagabagahon angka panurirang do haluaon i!

1.       Keluarga Marintan Sipahutar

2.       Yesaya  60:1-3                       Keluarga Op. Yanti Sipahutar

3.       Yesaya 61:1-4                        Keluarga Tumbur Sipahutar (Op. Erika)

4.       Mika 5:1-3                              Keluarga Op. Samuel

5.       Maleaki 3:15-17                    Keluarga Ama Ricky Sipahutar

10.     Puisi/ Vocal Group/ Vocal Solo

11.     Liturgi IV, Gabe daging ma hata i (barita Natal)

Prolog :  Songon naung dibagabagahon sian na robi, na ro ma sahalak Sipalua jolma sian hadosaon. Hinorhon ni parenta pamilangan ni Kesar Augustus, gabe borhat ma si Josep dohot si Maria naung gabegabean i mulak tu huta ompu nasida. Dung sahat nasida di Betlehem, gok ma ari ni hangoluanna, laos di borgin i ma tubu Sipalua i. Di panggagaton do dipeakhon, ala so adong inganan na asing di parmianannasida.

1.       Keluarga Op. Meliaky Sipahutar

2.       Lukas 2:1-3                            Keluarga Op. Dumaria

3.       Lukas 2:4-7                            Keluarga Ama Windu Sipahutar

4.       Lukas 2:8-11                          Keluarga S. Sipahutar (Ama Gabriel)

5.       Lukas 2:12-14                        Keluarga T. Aritonang (Ama Wenda)

12.     Marende BE. No. 616:1-2     “Uli na i di Borngin na Badia”                                      (jongjong)

1.

Uli na i di borngin na badia, humirdophirdop do bintang disi. Di borngin i do tubu Sipalua di panggagatan di Betlehem i. Portibi on dangol gok haholomon, marnida sondang ni Tuhanta i. Uli na i marende do suruan, di borngin i do tubu Kristus i, di borngin i do tubu Kristus i.

2.

Sian na dao parroha sian purba, ro do tinogihon ni bintang i. Marsinggang be nasida lao marsomba, tu Jesus Kristus Sipalua i. Ibana ro sian banua ginjang, lao paluahon hita jolma i. Uli na i ... d.u.                                                                                                              (hundul) 13.   Liturgi V, Pangajarion sian Sipalua Prolog :  Unang jolo siburinsak asa porapora, unang jolo hona insak asa pinauba roha. Ngolu-Na saleleng 33 taon di portibion manadinghon angka tona nauli songon dalan-Na lao paubahon rohanta, jala mangaramoti ngolu ni angka na porsea saleleng adong dope portibion. Tatangihon ma angka poda-Na, jala tapeop ma lao marsaor tu Ibana. 1.   Mateus 5:1-3                          Keluarga Tabo 2.   Mateus 5:4-6                          Keluarga E. Sipahutar (Op. Elnoah) 3.   Mateus 5:7-10                        Keluarga J. Hutauruk 4.   Mateus 5:11-13                     Keluarga Tesa Panggabean (Ama Suparjo) 5.   Mateus 5:14-16                     Keluarga J. Sipahutar (Ama Samuel) 14.   Koor Punguan 15.   Liturgi VI, Parsaoran ni angka na porsea Prolog :  Nunga saor be panondang bolon dohot hita. Molo dilehon Debata tu hita sada silehonlehon na arga dibagasan ngolunta, ima Jesus Kristus Anak haholongan-Na i, aha ma naung talehon songon sada pelean na arga tu Debata? 1.   Keluarga O. Sipahutar (Ama Renaldy) 2.   Keluarga Op. Merry br. Sipahutar 3.   Psalmen 133:1-3                   Keluarga br. Siregar (Pintu Bosi) 4.   Johanes 15:9-11                    Keluarga M. Ruth br. Sipahutar 5.   Johanes 15:12-14                  Keluarga Tobing/br. Sipahutar (Sait ni Huta) 16.   Tangiang Pangondianon 17.   Marende BE No. 57: 1,3        “Nunga Jumpang Muse” 1. Nunga jumpang muse ari Pesta i, hatutubu ni Tuhanta Jesus i. Tuat do Ibana sian surgo i mebat tu hita on. Hasangapon di Debata, dame, dame ma di jolma. Las ni roha ni Debata hajolmaon muse. 3. Sombanami ma di Ho na tubu on, Ho siboan dame tu portibion. Sai pasaorhon ma tu rohanami on dameMi o Jesus. Hasangapon di Debata.. d.u. 18.   Renungan Natal (Pdt. Roy Charly Sipahutar) 19.   Marende BE No. 52 : 1-3      “Hatuaon do”                                                          (Papungu Pelean) Hatuaon do, las ni roha do, hatutubu ni Jesus i! :,:Mago do jolma ro ma Tuhanta, las be, las be ma rohanta i:,: Hatuaon do, las ni roha do, hatutubu ni Jesus i! :,:Domu do hita tu Debatanta, las be, las be ma rohanta i:,: Hatuaon do, las ni roha do, hatutubu ni Jesus i! :,:Las ma rohanta mida Tuhanta, las be, las be ma rohanta i:,: (Jongjong) 14.   Tangiang Pelean, Ale Amanami, Pasupasu          Amen – Amen – Amen Selamat Natal dohot Taon Baru 25 Desember 2017 dohot 01 Januari 2018