Jamita Minggu Judika, 29
Maret 2020
“Hatigoran ni Jahowa na
Paluahon”
Turpuk Jamita: 2 Petrus
1:1-9 (dibaca responsorial)
1:1 Ahu surat ni si Simon Petrus, naposo jala apostel ni
Jesus Kristus, mandapothon angka naung manjalo haporseaon na arga, rap dohot
hami, marhitehite hatigoran ni Debatanta dohot Jesus Kristus, Sipalua i:
1:2 Singkop ma di hamu asi ni roha dohot dame, marhitehite
panandaonmuna di Debata dohot di Jesus, Tuhanta i!
1:3 Dilehon hagogoon ni hadebataonna i do tu hita nasa na tau
hangoluan dohot hadaulaton marhite sian naung tatanda Ibana, na manjou hita,
hinorhon ni hasangaponna dohot hadengganonna sandiri.
1:4 Marhite sian i do dilehon tu hita bagabagana angka na
arga jala na balga situtu, asa hinorhon ni i gabe partohap hamu di hadebataon,
dung sanga maporus hamu sian hamagoan, na di bagasan hahisapon na di portibi
on.
1:5 Dibahen i, haringgashon hamu ma sian nasa gogo,
manurdukkon denggan ni parange di bagasan haporseaon i, dung i habisuhon ma di
bagasan parange na denggan i;
1:6 dung i pangarajaion diri ma di bagasan habisuhon i, dung
i habengeton ma di bagasan pangarajaion diri i, dung i hadaulaton ma di bagasan
habengeton i:
1:7 Dung i holong ni roha di dongan ma di bagasan hadaulaton
i, dung i holong ni roha di na saluhutna ma di bagasan holong ni roha di dongan
i!
1:8 Ai molo jumpang angka i di hamu jala ganda, ndada
loasonna hamu losok jala so marparbue, laho mananda Jesus Kristus, Tuhanta i.
1:9 Alai molo so dapot i di na deba, halak na mapitung ma i,
parmata na jonok, naung lupa di haiason sian dosa, na di ibana najolo.
Narasi Jamita:
Angka dongan sahaporseaon
di bagasan Kristus Jesus, sadari on ma minggu parjolo di hita na ingkon
marminggu di jabunta be hita, bahkan di piga-piga huria di luat na asing nunga
patupahon na sisongon on napaduamingguhon malah mungkin sudah lebih beberapa
kali. Adong do deba halak na dirohana kurang berkenan model parmingguon na
sisongon on, ra didok rohana na hurang marhaporseaon do halak na marminggu di
jabu jala mabiar tu hagogoon ni potibion. Alai ingkon do rajumanta natapatupa
sadari on ndada alani na so marposniroha hita tu Tuhan, nadilehon Tuhan do di
hita habisuhon lao pasidinghon angka na boi manegai parngoluanta. Di Bibel i pe
boi do jumpanganta angka isara na boi tapangke gabe parsiajaran ni ngolu: Si
Musa hea do ibana ingkon martabuni tu Midian lelengna 40 taon lao pasidinghon
ancaman sian Bangso Misir. Raja Daud pe hea do ibana ingkon martabuni sian
pangalelean rimas ni Raja Saul. Alai taboto do boha ujungna nasida, dipamonang
Debata do nasida sian angka ragam ni musu da mangelaela nasida.
Suang songoni do na masa
di huria na parjolo i, andorang turpuk on disurathon Apostel Petrus tu nasida.
Tung mansai godang do parmaraan dan ragam ni pergumulan na dialami nasida di
hatiha i, pangalelean, pangarupaon, dohot angka hal na boi manegai ngolu
nasida. Alai dilehon Tuhan do tu nasida habisuhon laho pasidinghon saluhutna i,
martabuni do nasida di angka luat na dao bahkan sampai di gua-gua bawah tanah,
dibahen nasida do angka bahasa simbolik molo naeng berkomunikasi nasida sama
nasida asa unang tartangkup panggomgomi nasida, dohot angka ragam cara na asing
songon upaya menyelamatkan diri. Boasa ingkon sisongon i, na hurang do
haporseaon nasida? Alusna: Daong! Alai ala namangatusi situtu do nasida ia
ngolu on ima anugerah manang basabasa ni Tuhan i do na ingkon diramoti jala
diparhaseang asa godang muse halak na asing gabe tarpasupasu marhite ngolu
nasida.
Adong piga hal na ringkon
tarajumi marhite turpuk on:
1.
Parngoluanon ramuanta do songon hataridaan hatigoran ni Debata,
asi ni roha dohot dame na sian Kristus Jesus. Saluhutna ndada alani hadirionta
manang haburjuonta gabe tajalo angka ariari na naung tadalani, alai holan alani
denggan ni basana na ro tu hita. Hatigoran ni Debata ima hagogoon di hita laho
manaluhon hagiot ni portibi na boi mandabuhon ngolunta tu ragam ni hasusaan, suang
songon i memperlengkapi hita tu hidup yang baik, saleh, jala badia, padaohon
diri sian hagiot ni portibi, Tetap percaya dan mempercayakan diri akan janji-janji-Nya
yang kudus, karena Dia adalah Allah yang setia!
2. Tidak tinggal diam
perpangku tangan, alai responsif di angka anugerah naung dipasahat tu hita. Aha
ma alusta tu anugerah i? Mangolu ma hita
di bagasan haringgashon
sian nasa gogo, denggan parange di bagasan haporseaon, marbisuk, pangarajaion
diri, marhabengeton, marhadaulaton, holong ni roha di dongan.
Angka i ma na
gabe bekal jala margogoihon hita mangulahon angka na denggan songon responnta
di haluaon naung tajalo. Di tingki au manurathon jamita on, di Indonesia nunga
1.155 halak naung positif terinveksi virus Corona, di dunia malah nunga lobi
sian 300 ribu halak na positif terinfeksi. Seluruh dunia dicekam rasa takut
serta kuatir, dan itu hal yang wajar alani korban na sai terus bertambah jala
virus na sai menyebar dan belum mampu dihentikan.
Alai hita dang boi talu hinorhon ni i! Kita tidak boleh kalah
dan dikalahkan! Allah adalah Allah yang setia! Dilehon
Debata do tu hita basabasa manang anugerah untuk bertahan jala monang mangalo
virus Corona on. Memang tidak harus merasa hebat seolah kita tidak mampu
disentuh virus ini, tetapi hikmat yang diberikan Tuhan memampukan kita
menghindarinya. Sian
pamarentanta dohot siang angka ahli medis naung dilehon Tuhan huaso dohot
parbinotoan tu nasida diajari hita asa Marsiajar sian jabu, Karejo sian Jabu,
dohot Beribadah sian Jabu. Padaohon diri sian angka kerumunan nang keramaian.
Boasa pola dilarang saonari patupahon pesta adat dohot angka ulaon na mambahen
jolma i asa marpungu-pungu? Asa dipadao do hita sian penyebaran virus Corona i.
Tapaias ma lingkungan nang jabunta, suang songoni tapaias dirinta marhite na
ringgas mencuci tangan. Haringgason ingkon rajumanta do songon parbue ni
haporseaon.
Iman manang Haporseaon i
pe patubuhon Pangarajaion Diri, Penguasaan Diri. Mangarajai diri asa unang
melakukan tindakan na boi manegai ngolunta manang ngolu ni angka donganta.
Tidak ditularkan dan tidak menularkan virus Corona! Mangarajai diri asa boi hot
tinggal di jabunta be, stay at home.
Dang tergoda marpungpungu dohot dongan di arisan manang na di lapo, ndang
tergoda diajak manang mengajak keluarga mardalan-dalani, alai mampu mangarajai
diri asa meminimalisir penyebaran virus Corona.
Marhabengeton,
marhadaulaton dohot holong ni roha di dongan. Godang do halak na bisuk, na
pistar, jala na maduma alai dang benget ngoluna. Tondi ni Tuhan mangalehon di
hita tondi habengeteon lao mandalani partingkian na mansai maol on. Habengeton
do mula ni hadaulaton, satia di bagasan Tuhan. Ngolu na di bagasan hamaolon
ndada muse mambahen hita gabe egois manang mamingkiri holan tu ngolunta
sandiri, alai huhut do hita peduli tu angka na masa di angka dongannta na
asing. I do sada na mambahen na gabe di jabu hita marminggu saonari, hape so
adong dope na terjangkit virus di antara hita ruas ni huria, alai na patuduhon
rasa peduli dohot empati do hita tu pergumulan ni donganta na humaliang di
portibi on. Satu dengan yang lain harus tetap saling mendoakan walau dalam kondisi
kesesakan sekalipun. Saling memberi bantuan dan dukungan dengan segala
keterbatasan kita saat ini. Serta saling menanyakan kabar walau jarak
memisahkan, karena kasih Kristus selalu menyatukan kita.
Angka i ma angka
dongan na boi gabe bekal di hita di na lao menghadapi situasi na masa si
saonari on. Beriman, berdoa, berimun, peduli, dan tetaplah berkarya. Ndang
adong persoalan nang pergumulan na manongtong jala ndang marhaujungan. Alai
huhut tarajaumi be do ndang adong hamongangan tanpa adanya perjuangan yang
gigih. Hatigoran ni Jahowa do na paluahon hita di tingkina!
Tuhan ma na
mamasumasu hita on saluhutna!
Pdt. Roy
Charly Sipahutar
Tidak ada komentar:
Posting Komentar