TERTIB ACARA TAHUN BARU (BATAK TOBA)

PARTORDING NI ACARA PARPUNGUAN TAON BARU. SABTU, 01 JANUARI 2021

GEREJA PROTESTAN PERSEKUTUAN (GPP)

RESORT TAPANULI UTARA I

THEMA: IBANA DO ALPHA NANG OMEGA

(PANGUNGKAPON 21:1-6a)

 

1.     PANGARADEON DI BILUT PARHOBASAN

2.     PROSESI – MANGKULING GIRINGGIRING

3.     ULUAN NI HURIA RAP PARHALADO JONGJONG MARBARIS DI LANGGATAN (U=ULUAN; R=RUAS):

 

U	:	Huria nahinaholongan. Tapuji ma Debata Ama, AnakNa Tuhan Jesus Kristus dohot Tondi Parbadia naung paloashon hita mamolus taon 2021 naung salpui jala naung mangalehon taon 2022 on tu hita. Sialani mewakili Parhalado ni hurianta pasahatonnami ma tu hamu saluhutna: SELAMAT TAON BARU MA DI HAMU SALUHUTNA.
R	:	Hami pe pasahatonnami do nang tu hamu saluhut Parhaladonami: SELAMAT TAON BARU MA NANG DI HAMU.
U	:	Jahowa do situngkol sude angka na naeng tinggang, jala sipahehe sude angka na tungki marroha. Mangaranap tu Ho do angka mata ni sasudena, jadi dilehon Ho tu nasida sipanganonnasida di tingkina be. Dibungka Ho do tanganMu pasombu lomo ni roha ni nasa na mangolu. Nabonar do Jahowa di saluhut angka dalanNa jala basa di bagasan saluhut jadijadianNa i.
R	:	Mandok mauliate ma sude jadijadianmu tu Ho ale Jahowa, jala dipuji angka na niasianMu do Ho saleleng ni lelengna.
U	:	Marolopolop jala marlas ni roha ma hita marsomba tu Debata, ai nunga dilehon tu hita denggan basaNa dohot asi ni rohaNa. Huulahi hami ma mandok: Selamat Taon Baru ma di hamu saluhutna. (Hundul ma angka Parhalado tu ingananna be)

 

1.     MARENDE BE NO. 70:1-2            “NAUNG SALPU TAON NABURUK I”

Naung salpu taon na buruk i, Ho ma hupuji Tuhanki. Ai diramoti Ho tongtong tondingku dohot dagingkon. Ai diramoti Ho tongtong tondingku dohot dagingkon.

(jongjong)

O Jesus sai asi rohaM, paian denggan ni basaM. Muse di taon naimbaru on di nasa huriaM tongtong. Muse di taon naimbaru on di nasa huriaM tongtong.

 

2.     VOTUM-INTROITUS                   

U	:	Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na manompa langit dohot tano on. Amen.  Ahu do Alpha, Ahu do Omega, bonana dohot ujungna ninna Tuhan i, na adong dohot naung adong hian dohot na ro. Pargogo na sumurung.
R	:	Debata do mula ni nasa na adong, jala Ibana do Panimpuli saluhutna.
U	:	Sai mangaranapi do matangku dompak angka dolok: Sian dia do ulaning ro pangurupion tu ahu?
R	:	Sian Jahowa Sitompa langit dohot tano on sambing ro pangurupion ianggo tu ahu.
U	:	Ndang tagamon loasonna tarsulandit patmu, ndang tagamon nok mata ni Sijaga ho. Sai jagaon ni Jahowa do ho sian nasa parmaraan, sai jagaonna do tondim. Sai jagaon ni Jahowa do ho laho ruar dohot laho bongot, olat ni on ro di salelenglelengna. Haleluya.
R	:	(Mangendehon) Haleluya, Haleluya, Haleluya.
U	:	Antong martangiang ma hita: (Agenda GPP hl.15, No.1) (Hundul)

3.     MARENDE BE NO. 697:1             “MOLO HO DO HUIHUTHON”

Molo Ho do huihuthon dame sonang rohangki. Sai horas jala martua nasa hinophopMi. Ho tongtong ihuthonongku, Jesus na palua au. Ho sambing do oloanhu ala nii martua au.

4.     SINGKAT NI PATIK (PSALMEN 148:13)

Ingkon pujionnasida ma goar ni Jahowa, ai sasada goarna i do na timbul, diatasi hamuliaonna i do tano on dohot angka langit!

 

5.     MARENDE BE NO. 64:1,2            “NAUNG MORU DO MUSE SATAON”

Naung moru do muse sataon huhut lam suda bohalhi. Beha do au na sai laon ture do pangalahongki. Lam ganda haporseaonku nang holong ni rohangku pe. Di Jesus dohot Debatangku nang di donganku sasude                                                                               (jongjong)

Aut alusanku Debatangku ra tung maila au disi. Marningot salpu ni rohangku ro di sude ulaonki. Ai dosa do binaen ni tangan, gok dosa nang rohangku pe. Nang pat nang mata nang pamangan, luhut marsala do hape.

 

6.     PANOPOTION NI DOSA

U	:	Huria na hinaholongan Tuhanta Jesus Kristus, tama do hita mandok mauliate di Debata naung umpasupasuhon sada taon na imbaru di hita. Didongani do hita manalpuhon taon 2021 mamasuhi taon na imbaru 2022 on. Godang do namasa na taadopi di taon na salpu i, nunga mardosa hita maradophon Debata dohot maradophon donganta. Alani tapaunduk be ma jolo rohanta, martangiang na hohom, mangundukhon di bagasan rohanta, mangido hasesaan ni dosanta. ----------- Martangiang na hohom, huhut mangkuling Organ BE No.171:1 --------------
U	:	Ale Jahowa Debata Amanami, asi ma rohaM di hami, palambas rohaM mida pangalahonami di taon na salpu i. Gok dosa do hami. Ai jotjot hulaosi hami patikMu, ndang huhaholongi hami Ho sian nasa roha nami, dongannami pe ndang doshon dirinami hubaen hami.
R	:	Asi ma rohaM, sai marpamuati ma roham di dosanami.
U	:	Godang do dosa nami maradophon keluarganami; hurang holong rohanami na saripe, na marianakhon dohot marnatoras.
R	:	Asi ma rohaM, sai marpamuati ma roham di dosanami.
U	:	Godang do dosanami di ulaonnami, jotjot hami manimbil sian asi ni rohaM. Godang do dosanami maradophon na humaliang nami, jotjot hami gabe partuktuhan di nasida. Asi ma rohaM, sai marpamuati ma rohaM di dosanami i. Sesa saluhut hageduhonnami, ala ni AnakMu Jesus Kristus Tuhannami.
R	:	Asi ma rohaM, sai marpamuati ma roham di dosanami.
U	:	Tabegema hata ni Debata bagabaga ni Debata taringot tuhasesaan ni dosannta: Songon on do Hata ni Jahowa: Unang ho mabiar, ai Ahu do Siluluhon ho; nunga pola Hujou goarmu, Ahu nampuna ho. Hasangapon ma di Debata na di ginjang!
R	:	Amen.                                                                                                             (hundul)

7.     KOOR/VOCAL GROUP R/NGPP

 

8.     MARENDE BE NO. 675:1             “HAMU SUDE NA SORAT I”

Hamu sude na sorat i binaen ni dosa i. Hatop ma ro tu Jesus i, sonang ho baenonni. Sai porsea ma tu Jesus Sipalua i. Molo pos roham di Jesus dame rohami.

9.     EPISTEL

PARJAMITA 3:1-13

10.  KOOR PUNGUAN INA

11.  MARENDE BE NO. 68:1,5            “MASILELEAN ANGKA TAON”

Masilelean angka taon ro di ujungna sogot. O Jesus lehon parrohaon na naeng tongtong marningot. Di halalao ni aringki huhut manimbang ujung nii.                                (jongjong)

O Jesus sai urupi au, di taon na ro mamboan, parbue angka na sai tau padaohon hamagoan. Sai pargogoi ma au tongtong pasangap Ho di ngolungkon.

12.  MANGHATINDANGHON HAPORSEAON

                                                                                                                                         (hundul)

13.  SUNGGUL-SUNGGUL/BOABOA:

Parpunguanta natapatupa dibagasan sadarion ima Parpunguan Pesta Taon Baru 01 Januari 2022.

 

14.  MANDOK HATA SELAMAT TAON BARU

a.     Mewakili R/NGPP (denggan do molo adong Pangaranto)

b.     Mewakili Ina

c.     Mewakili Ama

d.     Mewakili Parhalado dohot Majelis

 

15.  TANGIANG PANGONDIANON

 

16.  AYAT PELEAN (MATEUS 2:11b)

Dung i manungkap ma nasida marsomba tu Dakdanak i, dirungkari ma artanasida: Sere, haminjon dohot angka na angur, parsombanasida tu Ibana.

 

17.  MARENDE BE NO. 69:1--  “JESUS SAI URUPI HAMI”                                (PELEAN I, II)

Jesus sai urupi hami dohot di taon baru on. Paimbaru gogonami mangihuthon Ho tongtong. Pasupasu ma muse na porsea sasude.

Pingkiranku ulaonku tau pasangap Ho ma i. Dungo manang modom ahu Ho tongtong di lambungki. Nang lao ruar masuk pe Ho ma donganki muse.

Taon parasinirohaon baen di au sandok taon on. Lam pahot ma hasesaan ni dosangku di au on. Holan Ho do Jesuski tuk pasaehon dosangki.

 

18.  JAMITA TAON BARU (PSALMEN 21:1-6a)

 

19.  MARENDE BE NO. 720:1--  “NAENG MARSINONDANG NGOLUNGKU”       (PELEAN III)

Naeng marsinondang ngolungku diigil Jesus i. Manang didia pe ahu tongtong huingot i. Tiur marsinondang i do niigil ni Jesus. Tongtong marsinondang, panondang do au tutu.

Ingkon hobas mangurupi, angka na gale i. Jala burju manghobasi songon Tuhanta i. Tiur marsinondang…

Tuhan urupi ma ahu, sai jaga rohangki. Asa marsinondang ahu, Ho naeng tiruonki. Tiur marsinondang.

 

20.  TANGIANG PELEAN

ENDE PELEAN

TANGIANG ALE AMANAMI

PASUPASU

 

SELAMAT TAON BARU, 01 JANUARI 2021

DEBATA MAMASUMASU

TERTIB ACARA NATAL I (25 DESEMBER 2021) (BAHASA BATAK TOBA)

TERTIB ACARA DI PESTA PARNINGOTAN

ARI HATUTUBU NI TUHANTA JESUS

(PESTA NATAL I)

SABTU, 25 DESEMBER 2021

GEREJA PROTESTAN PERSEKUTUAN (GPP)

RESORT TAPANULI UTARA I

THEMA: JESUS SIPALUA PORTIBION (LUKAS 2:1-7)

 

1.     PANGARADEON DI BILUT PARHOBASAN

2.     PROSESI - MANGKULING GIRINGGIRING

3.     ULUAN NI HURIA RAP PARHALADO JONGJONG MARBARIS DI LANGGATAN, LAOS PASAHATHON HATA SELAMAT ARI NATAL TU SUDE RUAS NI HURIA

 

IBADAH

1.     PANGARADEON DIRI                  (U=ULUAN; R=RUAS)

U	:	Huria nahinaholongan, nunga jumpang ari pesta ima ari hatutubu ni Tuhanta Jesus Kristus. Tama situtu hita mamuji Debata, ai nunga patar dihita holong ni rohaNa. Gabe jolma do Ibana dibagasan sadari on. Sangap, sangap ma di Jahowa. Antong ale dongan, taparade jala tapaserep rohanta laho mamuji Ibana.
R	:	Pujionku ma Jahowa sian nasa rohangku, pajojoronku ma sude halongangan angka na binahenNa.
U	:	Puji hamu ma Jahowa, baritahon hamu ma GoarNa i, pabotohon hamu ditongatonga ni angka bangso, angka pambahenanNa i!
R	:	Pujionku ma Jahowa sian nasa rohangku, pajojoronku ma sude halongangan angka na binahenNa.
U	:	Endehon hamu ma Ibana, palu hamu ma parhinaloan umpuji Ibana. Sude hamu, ale angka bangso. Marende ma hamu sude angka houm, puji ma Jahowa, pasangap ma goarNa. Las ma rohanta, taendehonma BE No. 605:1-2 “Las ma roham, Tuhanta ro”

 

2.     MARENDE BE NO.605:1-2           “LAS MA ROHAM, TUHANTA RO”

Las ma roham Tuhanta ro, gumomgom sasude. Ungkap roham, jangkon Rajam. Marende ma sude, marende ma sude, marende, marende ma sude.

(jongjong)

Tano nang laut, harangan i, nang awang-awang i. Hauma i, nang sunge i, olophon Raja i. olophon Raja i, olophon, olophon Raja i.

 

3.     VOTUM-INTROITUS                   

U	:	Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on. Amen. Naung dapotan hangoluan na salelenglelengna do angka na manghaporseai Ibana, jala dao do rimas ni Debata di sude angka na mangulahon hataNa.
R	:	Songon angka na manghaporseai Debata hita, taulahon ma sude siulaon, nang di hata, manang dipambahenan marhitehite goar ni Tuhan Jesus Kristus, huhut mandok mauliate tu Debata Ama marhitehite Ibana.
U	:	Asa ndada be angka paisolat manang panginsua hamu; angka dongan saharajaon, raphon angka na badia do, jala dongan sabagas ni Debata.
R	:	Ai sada do Tuhan, sada do haporseaon, sada do Debata, Ama ni sasude, sigomgomi saluhut, sitorusi saluhut, jala siingani saluhut.
U	:	Antong pinuji ma Debata, Ama ni Tuhanta Jesus Kristus, naung umpasupasuhon tu hita ragam ni pasupasu partondion sian banua ginjang, dibagasan Kristus. Haleluya.
U+R	:	(Mangendehon) Haleluya, Haleluya, Haleluya.
U	:	Antong martangiang ma hita: (Agenda GPP hl.11, No.2) (Hundul)

4.     MARENDE BE NO.48:2    “RIA MA HITA SASUDE”

Diungkap Debatanta i banuaginjang i. Disuru do AnakNa i Hangoluanta i Hangoluanta.

 

5.     PATIK:

Patik VII – VIII dohot Lapatanna

 

6.     MARENDE BE NO.174:1,3           “TOROP DOPE NA SIAT I”

Torop do pe na siat i di hasampuran rea. I pe hamu pardosa i sai olo ma porsea. Ai debata manjou hamu tu hasonangan situtu. Hamu, hamu, dijou Debatamu.

(jongjong)

Pardosa ho didok roham, na so tama be dohot? Ndang pola ala ni dosam, umbaen na sundat bongot. Ai nunga sae do dosami, digarar Tuhan Jesus i. Naung sae, naung sae, naung sae do dosami.

 

7.     PANOPOTION NI DOSA

U	:	Hujou jala husomba hami ma Ho, ale Tuhan Debatanami. Debata ni ruhut, Debata ni uhum. Dibagasan dosa do hami tubu, jala magodang hami dibagasan hasalaan. Ale Tuhan Debata, mula ni asi, mula ni basa. Sesa ma dosanami na jongjong di jolo ni langgatan-Mu. Na mangido songon galagala sitelluk, telluk mardaguldagul. Na sala na hutuhuk, nanget huapulapul. Asi ma rohaM.
R	:	Sesa ma dosanami. Asa ias ngolunami songon itak, jala bontar songon hapas.
U	:	Hujou jala husomba hami ma Ho, ale Tuhan Debatanami. Mula ni denggan, mula ni uli, asa denggan jala uli ngolunami. Sesa ma dosanami, asa sombu uasnami sian aek hangoluan, na pinaradeM tu hami marhitehite sampuran ni holong-Mu. Marhitehite asi ni rohaM, sai tambortambori ma tano na limbi, jala sihorsihori bulu na manipi, asa mabaor sudena asi nang sude pasupasu na uli songon udan nene. Asi ma rohaM.
R	:	Sesa ma dosanami. Asa ias ngolunami songon itak, jala bontar songon hapas.
U	:	Martangiang ma hita di bagasan rohanta be, manopoti hadosaonta.   ------------ Martangiang dibagasan roha, mangkuling organ BE No. 432:1 -----------
U	:	Baga  Bagabaga ni Debata taringot hasesaan ni dosanta:           Songon on do hata ni Debata: “Buhaanna ma disi mata ni halak na mapitung, jala marbinege bahenonna pinggol ni angka na nengel. Dapotan hilas dohot las ni roha do nasida, maporus ma angka arsak dohot hoihoi. Ndang be male nasida, ndang be mauas, ndang be ditinggang las ni ari nasida. Jadi apusan ni Debata ma nasa iluilu sian mata nasida, ndang adong be hamatean nang arsak ni roha; nang anggukangguk, nang na hansit, ndang adong be disi, ai nunga salpu sudena i”. Amen.   (Hundul)

8.     KOOR/VOCAL GROUP R/NGPP

 

9.     MARENDE BE NO. 602:1,6          “DI NATAL PARJOLO I”

Di Natal na parjolo I, parmahan marborngin di ading i. Tusi do ro suruan I, mandok nunga sorang Mesias i. Noel, Noel, Noel, Noel, Tubu Raja ni Israel.

Antong marende hita on, di Raja ni langit nang tano on. Napaluahon hita on, sian huaso ni portibi on, Noel, Noel…

 

10.  EPISTEL

JESAYA 62:6-12

11.  KOOR PUNGUAN INA

 

12.  MARENDE BE NO. 598:1-2                      “BEGE ENDE NI SURUAN”

Bege ende ni suruan, sangap ma di Tuhan i. Nunga tubu Sipalua Raja Sipardame i. Dipadame Debatanta do diriNa tu pardosa. Nunga tubu Kristus i di huta Betlehem i. Ende ni suruan i, sangap ma di Tuhan i.                                                                        (jongjong)

Kristus Raja sian surgo tuat tu portibi on. Tubu sian si Maria lao manobus hita on. Debata na so tarida gabe daging songon hita. Nunga raphon hita be Jesus i, Immanuel. Ende ni suruan i, sangap ma di Tuhan i.

13.  MANGHATINDANGHON HAPORSEAON

                                                                                                                                         (hundul)

14.  SUNGGUL-SUNGGUL/BOABOA:

-    Parpunguanta natapatupa dibagasan Sadarion ima Parpunguan Pesta Parningotan Ari Hatutubu ni Tuhanta Jesus Kristus (Pesta Natal I).

-    Marsogot, Minggu 26 Desember 2021 marpungu do muse hita di garejanta on ima namamestahon Parningotan ari hatutubu ni Tuhanta Jesus (Pesta Natal II). masuk ma hita songon parmingguan na somal.

 

15.  TANGIANG PANGONDIANON

16.  AYAT PELEAN:

PSALMEN 50:14

 

17.  MARENDE BE NO. 57:1--  “NUNGA JUMPANG MUSE ARI PESTA I”  (PELEAN I, II)

Nunga jumpang muse ari Pesta i. Hatutubu ni Tuhanta Jesus i.Tuat do Ibana sian Surgo i. Mebat tu hita on. Hasangapon di Debata, dame, dame ma di jolma. Las ni roha ni Debata. Hajolmaon muse.

Beta, ale dongan tu Betlehem i. Itasomba ma Dakdanak na disi. Na tinongos ni parasiroha i. Debata Ama i. Hasangapon di Debata. Dame, dame ma di jolma. Las ni roha ni Debata. Hajolmaon muse.

Sombanami ma di Ho na tubu on. Ho siboan dame tu portibi on. Sai pasaorhon ma tu rohanami on, dameMi o Jesus. Hasangapon di Debata, dame, dame ma di jolma. Las ni roha ni Debata, Hajolmaon muse.

 

18.  JAMITA PESTA NATAL I:

LUKAS 2:1-7

 

19.  MARENDE BE NO. 52:1--             “HATUAON DO”                          (PELEAN III)

Hatuaon do las ni roha do hatutubu ni Jesus i. Mago do jolma ro ma Tuhanta las be, las be ma rohanta i. Mago do jolma ro ma Tuhanta las be, las be ma rohanta i.

Hatuaon do las ni roha do hatutubu ni Jesus i. Domu do hita tu Debatanta las be, las be ma rohanta i. Domu do hita tu Debatanta las be, las be ma rohanta i.

Hatuaon do las ni roha do hatutubu ni Jesus i. Las ma rohanta mida Tuhanta las be, las be ma rohanta i. Las ma rohanta mida Tuhanta las be, las be ma rohanta i.

 

20.  TANGIANG PENUTUP, TANGIANG ALE AMANAMI, PASUPASU.

 

SELAMAT ARI NATAL, 25-26 DESEMBER 2021

TUHAN MAMASUMASU