Tertib Acara Ibadah Paskah (Bahasa Batak Toba)

 

TERTIBACARA PESTA PASKAH I

DI GEREJA PROTESTAN PERSEKUTUAN (GPP)

RESORT TAPANULI UTARA I

MINGGU, 27 MARET 2016

Thema Paskah I: “Jahowa do Haluaonku, jala Ibana Hatuaonku”

----------------------------------- SAAT TEDUH -----------------------------------

(Mangkuling Giringgiring, martangiang di bagasan rohana be)

1.         Pangaradeon     (U= Uluan, H= Huria)

U    :  Hamu angka dongan sahaporseaon di bagasan Tuhan Jesus Kristus, sadarion marlas ni roha do hita ala nunga ditaluhon Jesus Kristus huaso ni hamatean i. Nunga hehe Kristus. Selamat Paskah ma di hamu saluhutna.

H   :  Tutu, nunga hehe Kristus, Selamat Paskah ma nang di hita saluhutna.

U    :  Di bagasan las ni roha, tapangiar ma soaranta mangendehon naung hehe Jesus sian hamatean mangungkap dalan di angka na porsea tu hangoluan salelenglelengna, marende ma hita sian BE. No. 96: 1-3      “Nunga Talu Hamatean”                                                  

v Nunga talu hamatean, dibaen Tuhan Jesus i. Ai na hehe do Ibana songon na nidok-Na i. Haleluya, haleluya nunga hehe Jesus i. Haleluya, haleluya, nunga hehe Jesus i.

v Ia angka boruboru lao do tu tanoman i, ndang disi be Tuhan Jesus nunga hehe sian i. Haleluya, d.u.

               ------------------- Organ --------------------                                                                       (jongjong)

v Marlasroha be ma hita, ala hehe Jesus i, ai malua sude hita sian hamagoan i. Haleluya, d.u.

2.       Votum/Introitus        

U   :     Marhitehite Goar ni Debata Ama, dohot Goar ni Anak-Na Tuhan Jesus Kristus, dohot Goar ni Tondi Parbadia, natumompa langit dohot tano on. Amen.

            Ai nunga tarida asi ni roha ni Debata, sibahen haluaon ni saluhut jolma. Dipatimbul rohangku do Tuhan i. Mariaia do tondingku mida Debata, sipalua ahu. Na badia do Goar-Na i. Ai marsundutsundut do asi ni roha-Na mida angka na manghabiari Ibana.

H   :     Hagogoon do diula tangan-Na i, diparserakhon do angka na ginjang marroha.

U   :     Angka na gogo i dipaijur do sian habangsanasida, dipabangkit do angka na metmet. Na denggan di pasuksuk Ibana tu angka na male, jala angka na lobian hian rumar do dipalaho.

H   :     Sai hubaritahon ma angka asi ni roha-Na di manogot i, dohot hasitongan-Na di bornginna i.

U   :     Didok Tuhannta Jesus: Haporsuhon do jambarmuna di portibi on, alai pos ma rohamuna, nunga talu Hubaen portibi on. Haleluya …

H   :     (Mangendehon) Haleluya, haleluya, haleluya

U   :     Antong martangiang ma hita:  (Agenda GPP 25/1)

            Amen. 

Tertib Acara Ibadah Paskah (Bahasa Batak Toba)

TERTIB ACARA PESTA PASKAH I (NA PARJOLO)

DI GEREJA PROTESTAN PERSEKUTUAN (GPP)

GPP SIARO, RESORT TAPANULI UTARA I

MINGGU, 05 APRIL 2015

Dung mangkuling giringgiring, ro ma tu jolo sude angka Parhalado ni Huria, jala sahalak ma mewakili sude Parhalado ni Huria lao pasahathon hata Selamat Paskah tu sude Ruas ni Huria

Thema Pesta Paskah I: “Monang jala Hehe Maralohon Hamatean”

1.          MARENDE BE NO. 94: 1-3            “Ale Tondingku, Naung Hehe”

v Ale tondingku naung hehe Tuhanmu, nunga ditaban do banua toru. Las ma roham ai martua ma ho. Rap dohot Jesus mangolu ma ho, rap dohot Jesus mangolu ma ho.

v Talu si bolis dibahen Tuhannta, nang hamatean nang dosa sudena. Sai dihalashon rohanta ma i. Pangoluon-Na do hita muse.

----------- O R G A N ------------                                        (jongjong)

v Tahaburjuhon mangalo dosanta, jala tabaen Tuhan Jesus dongannta. Pos ma rohanta di Tuhanta i. Pamonangan-Na do hita sude.

2.        VOTUM/INTROITUS                       (U= ULUAN; H= HURIA)

U   :     Marhitehite Goar ni Debata Ama, dohot Goar ni Anak-Na Tuhan Jesus Kristus, dohot Goar ni Tondi Parbadia, natumompa langit dohot tano on. Amen.

            Ai nunga tarida asi ni roha ni Debata, sibahen haluaon ni saluhut jolma. Ndang hasuhatan haburjuon nang pangaramotion ni Debata tu hita angka na niasian-Na i.

H   :     Dipatimbul rohangku do Tuhan i. Mariaia do tondingku mida Debata, sipalua ahu.

U   :     Na badia do Goar-Na i. Ai marsundutsundut do asi ni roha-Na mida angka na manghabiari Ibana. Pola mate Tuhanta i hinorhon ni hadosaonta, Tarsilang di Golgata dibagasan haleaan humonghop hita, alai hehe do Ibana nuaeng laho pamonangkon hita.

H   :     Hagogoon do diula tangan-Na i, diparserakhon do angka na ginjang marroha.

U   :     Angka na gogo i dipaijur do sian habangsanasida, dipabangkit do angka na metmet. Na denggan dipasuksuk Ibana tu angka na male, jala angka na lobian hian rumar do dipalaho. Hinorhon ni i gabe pos rohani angka na porsea di angka ari na naeng sidalanan ganup di angka partingkian na naeng ro.

H   :     Sai hubaritahon ma angka asi ni roha-Na di manogot i, dohot hasitongan-Na di bornginna i.

U   :     Didok Tuhannta Jesus: Haporsuhon do jambarmuna di portibi on, alai pos ma rohamuna, nunga talu Hubaen portibi on. Haleluya …

H   :     (Mangendehon) Haleluya, haleluya, haleluya

U   :     Antong martangiang ma hita:  (Agenda GPP VIII/1)

            Amen.                                                                                                                                                 (hundul)

3.      MARENDE BE NO. 89:1,7               “Ate Didia Soropmi”                                                              

v Ate didia soropmi nuaeng o hamatean? Didia hamonanganmi nuaeng banua toru? Na talu do hamu sude, na talu do si bolis pe. Ai ditaluhon Jesus.

v O hamatean talu ma. Sai talu ho sibolis. Banuatoru talu ma, ai i do naung tartulis. Tapuji Debatanta i, dibaen hamonanganta i, marhite Tuhan Jesus.

4.        SINGKAT NI PATIK (1 Johanes 4:7-10)

5.        MARENDE BE NO. 90: 3,4              “Sai Marlas ni Roha Hita”                                     

v Ia ho banuatoru, nunga harhar talimi. Ai dung hehe na gumogo, loha do hurunganmi. Surgo i tarungkap do, dung ditaban Jesus ho. Gabe tu hangoluanna, diarahon do donganna.                                                   (Jongjong)

v Dohot ho, o hamatean, nunga mago soropmi. Suruhonku pe udean, ndang na tinggal au disi. “Anggo au mangolu do, sai mangolu dohot ho!” Ninna Jesus tu rohangku, molo ro hamateanku.

Tertib Acara Ibadah Jumat Agung (Bahasa Batak Toba)

TERTIB ACARA IBADAH JUMAT AGUNG

GEREJA PROTESTAN PERSEKUTUAN (GPP)

RESORT TAPANULI UTARA I

Jumat, 25 Maret 2016

Thema: “Nunga be dipadame hita di bagasan Kristus Jesus”

--- Mangkuling Giringgiring, Martangiang na Hohom ---

1.   Pangaradeon (U: Uluan, H: Huria)

U    :  Hamu angka dongan na hinaholongan ni Tuhanta Jesus Kristus. Dibagasan tingkion naeng pungkaonta ma parpunguan parningotan hahamate ni Tuhan Jesus. Taloas ma Tondi Parbadiai mangarajai roha nang pingkiranta be, Jesus nauang mate jala mulak mangolu di ari patoluhon, ido naeng pujionta ro di salelengnilelengna. Bongoti hamu ma angka bahalNa marhitehite hamauliateon dohot pujipujian. Mauliate ma rohamuna tu Ibana, puji hamu ma goarNa.

H    :  Tompa ma roha na ias dibagasan ahu, ale Debata, jala paimbaru ma tondi na marsihohot dibagasan ahu.

U    : Tapahohom ma rohanta, tapaserep jala tapaunduk ma dirinta di toru ni silang ni Tuhanta i, marende ma hita sian BE No. 449: 1-3 “Sai solhot tu silangmi”.

1.     Sai solhot tu silangMi, Jesus ingananku, Mual na mabaor disi, ima inumonku. SilangMi, Tuhanki ima pujionku, paima sogot sahat au, i endehononku.

2.     Lao ma au tu silangMi, i haporusanku. Sai asi ma rohaMi, unang tulak ahu. SilangMi ...

(jongjong)

3.     Domu ma tu silangMi, i ma tioponku, Asa unang lilu au, Ho ihuthononku. SilangMi...

2.   Votum/Introitus

U    :  Marhitehite Goar ni Debata Ama dohot Goar ni Anak-Na Tuhan Jesus Kristus dohot Goar ni Tondi Parbadia na tumompa langit dohot tano on. Amen.

         Saor ma Ho tu rohanami, ale Debata Ama, Anak dohot Tondi Parbadia.

H   :  Ai haotoon do hata na taringot tu silang i di roha ni angka na laho mago.

U    : Alai hagogoon ni Debata do i di hita na dapotan haluaon.

H    :  Alai Kristus na tarsilang i do hujamitahon hami, pargasipan do i dihalak Jahudi, haotoon disipelebegu.

U    :  Alai di angka natarjou i, nang Jahudi nang Gorik, gabe hagogoon ni Debata dohot habisuhon ni Debata do Kristus i. Alai sian Ibana umbahen na dibagasan Kristus Jesus hamu, ai Ibana do gabe habisuhon dihita sian Debata dohot hatigoran dohot habadiaon dohot haluaon. Haleluya.

H   : (Mangendehon)  Haleluya, Haleluya, Haleluya.

U    :  Martangiang ma hita: (Agenda GPP VII/2).

(hundul)